Piolo bibinyagan na ang virgin lips ni Sarah

Hindi pa rin nakukunan hanggang ngayon ang kissing scene nina Sarah Geronimo at Piolo Pascual sa pelikulang “The Breakup Playlist” ng Star Cinema.

Ayon sa isang interview kay Piolo, halos patapos na ang kanilang shooting, “I’m almost done with the film, surprisingly. Ang bilis namin. I’m so excited because mabi-beat namin ang deadline. I’m actually going to a dubbing after this.

We are almost done. It’s really exciting.” Ang pelikula ay sa direksiyon ni Dan Villegas at ipalalabas na sa susunod na buwan. Sey ng aktor, hindi pa nila alam kung kailan kukunan ang halikan nila ng Pop Princess.

“Inaabangan ko din. Nasa script ‘yun pero hindi naman kasi kailangan. It’s a breakup. Hindi naman hahanapin. Kung ano man ang kalalabasan, we are not focusing on the kissing scene.

It’s just really the story that we are trying to sell,” ani Piolo.Nauna nang sinabi ni Sarah na excited na siya sa kissing scene nila ni Papa P, but at the same time ay kinakabahan din.

Ito kasi ang unang pagkakataon na makikipaghalikan (ng totoo, walang daya) si Sarah sa kanyang leading man. Ilang beses na silang nagkasama sa pelikula ni John Lloyd Cruz pero hindi pumayag ang singer-actress sa tunay na halikan.

Ganu’n din kina Gerald Anderson at Coco Martin.Ibig sabihin, si Piolo ang bibinyag sa virgin lips ni Sarah! Hirit pa nga ni Piolo, “Ang sarap katrabaho ni Sarah.

You’ll be happy with how she’s been doing her part sa pelikulang ito. Iba ‘yung binigay niya, nakakatuwa. I’m just so happy kasi iba ‘yung istorya. I’m happy about how it turned out. Sana magustuhan ng tao.”