Boy ayaw makisawsaw sa away nina Kris at Korina

BOY ABUNDA

IDENTIFIED ang Asia’s King of Talk na si Boy Abunda bilang kaibigan nina Kris Aquino at Korina Sanchez. Pero never siyang nakisawsaw sa isyu ng dalawa.

Kaya kahit anong pilit namin na magbigay siya ng reaksyon tungkol sa isyu kina Kris at Korina, tatahimik na lang siya.

Pero nagulat naman kami when we found out na pati pala ang mga commercials ni Kris ngayon ay hindi na si Kuya Boy ang nagha-handle. Ang Cornerstone (ni Erickson Raymundo) na ang nagma-manage ng showbiz commitments ni Kris and we thought all along na si Kuya Boy pa rin ang may hawak sa endorsements niya.

“Hindi na,” mahinahong sabi ni Kuya Boy nu’ng makausap namin siya after his taping ng Tonight With Boy Abunda last Monday. Dagdag pa niya, “Matagal na. Tinurn-over ko na lahat ng papers sa kanya.”

Ang sariling produksyon daw ni Kris na KCAP (Kris Cojuangco Aquino Productions) at ang Cornerstone ang nagha-handle ng endorsements niya.

Anyway, nag-renew na ulit si Kuya Boy ng bagong exclusive contract sa ABS-CBN last month. Malaki pa rin talaga ang tiwala ng Kapamilya Network kay Dr. Boy Abunda, Jr., hindi rin kasi matatawaran ang kanyang husay at galing bilang talk show host.