Boy Abunda bumida sa ‘90s-inspired clip para sa ‘The Electric State’

PHOTO: Courtesy of Netflix

BONGGA ang bagong pakulo para sa sci-fi adventure film na “The Electric State!”

Bidang-bida kasi ang tinaguriang King of Talk na si Boy Abunda sa isang exclusive video na ibinabandera ang kanyang signature hosting style bilang host ng “Showbzz,” isang reimagined na showbiz news segment na tila kinuha mula sa kasikatan ng entertainment shows noong dekada ‘90. 

Pero may kakaiba itong twist kung saan hindi lang artista ang bida, kundi pati na rin ang mga robot!

Kasama sa feature na ito ang mga iconic ‘90s stars tulad nina Gladys Reyes, Claudine Barretto, Alice Dixson, Chito Miranda, at Raymund Marasigan. 

Baka Bet Mo: Boy Abunda sa Pride EP niya: ‘I know the joys and pains of being gay’

Sa video, tampok ang classic na tarayan at sampalan ng karakter ni Gladys, ang pagiging ‘rising superstar’ ni Claudine, at ang electrifying hair ni Alice na swak sa futuristic theme ng pelikula.

Ang “The Electric Stat”e ay isang sci-fi adventure film mula sa sikat na Russo brothers—ang duo sa likod ng blockbuster film na “Avengers: Endgame” at “The Gray Man.” 

Bida riyan si Millie Bobby Brown bilang Michelle, isang ulilang dalaga na naghahanap sa kanyang nawawalang kapatid na si Christopher sa isang mundo kung saan ang mga robot ay minsang naging bahagi ng lipunan, ngunit ngayon ay nasa laylayan matapos ang isang nabigong pag-aalsa.

Sa kanyang paghahanap, makakasama niya ang isang misteryosong robot na si Cosmo at si Keats n(Chris Pratt,) isang swabeng smuggler na may robot sidekick na si Herman (Anthony Mackie). 

Sa kanilang paglalakbay, matutuklasan nila ang mas malalim na lihim sa likod ng pagkawala ni Christopher.

Bukod kina Millie at Chris, tampok din sa pelikula ang bigating international stars tulad nina Ke Huy Quan, Jason Alexander, Woody Norman, Giancarlo Esposito, at Stanley Tucci. 

Ang “The Electric State” ay showing na exclusively sa Netflix.