Heart hindi ieendorso si Chiz sa TV o radyo

CHIZ ESCUDERO AT HEART EVANGELISTA

WALA pa ring lumalabas na TV advertisement si Sen. Chiz Escudero kahit halos buong araw na kung lumabas ang ad ng kaniyang mga kalaban sa pagka-Vice Presidente ng bansa.

Wala pa raw siyang pondo para bumili ng airtime, ani Chiz, na sinegundahan naman ni Heart dahil alam niya kung gaano kamahal ang magpa-ad sa telebisyon.

At malamang hindi na rin daw lalabas sa commercial ang kaniyang misis na si Heart para i-endorse ang kaniyang kandidatura.

“I don’t think Heart will endorse me on TV. She’s my wife and people know that. I don’t think that she will come out in an ad to endorse me,” sabi ni Chiz sa isang panayam.

Sa ngayon, wala pa raw siyang celebrity endorsers, ayon kay Chiz.

“Right now I don’t have any. In fact, right now, I don’t have advertisement. So bago tayo pumunta sa endorser, pag-usapan muna natin ang airtime. Wala pang airtime eh, endorser pa? I think I’m one of the few, if not the only one, without an ad now,” sey ni Chiz.

Samantala, ngayong gabi na ang ending ng GMA Telebabad series na Beautiful Strangers at noong Lunes naman nag-last taping day ang mga bida ng serye kaya emosyonal daw ang cast na pinangungunahan nina Heart at Lovi Poe.

“Our friendship got even deeper because of Beautiful Strangers. I’ll miss seeing you guys on a regular basis!” sabi ni Lovi sa isang larawan na ipinost niya sa Instagram kasama si Heart, Benjamin Alves at Rocco Nacino.

Magkasama sina Lovi at Rocco sa picture at mukhang masaya naman kahit nga napapabalitang nag-break sila two weeks ago.

“One of my favorite shows #beautifulstrangers is almost about to end… I will miss you all!” sabi naman ni Heart sa isa pang picture ng buong cast ng teleserye ng GMA na umani rin ng papuri dahil sa akting nito sa nasabing programa.

Ngayong patapos na ang teleserye ni Heart at Lovi, inaasahan na mas marami na silang time para mag-ikot sa bansa para tumulong sa kandidatura nina Sen. Grace Poe at Sen. Chiz sa susunod na taon.

Nauna nang sinabi ng mister ni Heart na posibleng magsama ang kanyang misis at si Lovi upang ikampanya sila ni Grace, “Kapag umikot man si Heart, malamang ang kasama niya ay isa sa mga matalik niyang kaibigan na kapatid ni Sen. Grace na si Lovi. Para pag umikot sila ay ‘Poe at Escudero’ din sila,” natatawang sabi ni Chiz.