Glaiza, Rhian, Chynna suportado ang same sex marriage
Nakiisa ang mga bida ng Kapuso primetime serye na The Rich Man’s Daughter sa pagdiriwang ng Amerika dahil sa pagsasabatas ng same-sex marriage.
Dahil isa ang TRMD sa mga nagsusulong ng pagkakapantay-pantay pagdating sa pag-ibig, nagdaos ng isang photoshoot ang Kapuso stars na sina Glaiza de Castro, Rhian Ramos, Katrina Halili, Chynna Ortaleza at Sheena Halili.
Sa hashtag na #TRMDLoveWins, makikita sa Instagram ang karamihan ng mga litratong kanilang ginawa na sinuportahan naman ng kanilang mga tagahanga at nagbigay ng mga magagandang komento sa mga ito.
May kani-kanila ring post ang mga bida ng serye sa kanilang Instagram account na umani rin ng iba’t ibang klase ng suporta. Isang fan ang nagsabi na “Hindi matuloy-tuloy na kiss..bitin always” at isa pa na medyo agresibo, “Sarap itulak! Tagal ituloy eh. #hopia.”
Patuloy na tutukan ang The Rich Man’s Daughter gabi-gabi sa GMA Telebabad. Ito’y sa direksiyon pa rin ni Dominic Zapata.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.