Vicki Belo, Hayden Kho magkaka-baby na
HAYDEN KHO AT VICKI BELO
Nagtampo pala si Dra. Vicki Belo kay Willie Revillame. May kinalaman ito sa in-endorse noong produkto ng TV host sa kanilang beauty clinic.
Ito raw ang dahilan kung bakit tumanggi na munang mag-sponsor ang kampo ni Vicki Belo sa bagong show ni Willie sa GMA 7, ang Wowowin.
Sey ni Belo sa isang interview, “Dati kasi, parang ini-endorse niya yung Belo glutathione, tapos next, ini-endorse na niya yung ibang brand. So, sabi ko, ‘Willie, medyo foul ‘yan.’ So, umalis kami.
“Pero in fairness, nu’ng nagtayo naman siya ng building (Wil Tower), he asked us to be his tenant. We went in naman, so sinuportahan naman namin. Kasi ang bait naman ni Willie to me. Kaya lang, nagtampo lang talaga ako,” chika pa ng dyowa ni Hayden Kho.
Samantala, nang matanong ng press ang doktora tungkol sa balitang magkaka-baby na sila ni Hayden (sa pamamagitan ng artificial insemination/surrogate mother) bigla na itong umiwas. Si Hayden na lang daw ang tanungin tungkol sa magiging “baby” nila.
“Under observation” naman ang isinagot ni Vicki Belo nang usisain ang tungkol sa pagpapakasal nila ni Hayden.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.