AKO po si Rene Baculi ng Brgy. Balayong, Baun, Batangas at isang OFF. Naghuhulog din po ako ng SSS ko.
Maaari po ba akong makapag salary loan? Naka-40 months na ako na naghuhulog. Magkano naman ang interest?
REPLY: Para sa iyong katanungan G. Baculi: Kung tuluy-tuloy ang iyong contributions at nakapaghulog ka na ng mahigit sa tatlong taon o 40 months, ikaw ay kwalipikado na para makapag-avail ng salary loan.
Ngunit depende ito sa iyong contributions.
Kung ikaw ay nagbabayad ng P300 na contributions kada buwan, maaari kang makapag loan ng P3,000 para sa unang salary loan.
Para naman sa iyong katanungan tungkol sa interest, maaari mo itong bayaran ng 10% kada taon at babayaran sa loob ng dalawang taon at isasama ito sa monthly amortization
Sana ay nasagot namin ang iyong katanungan, G. Baculi.
Ms. Lilibeth Suralvo
Senior Officer,
Media Affairs
Department
SSS
May nais ba kayong isangguni sa Aksyon Line? Maari kayong sumulat sa aming tanggapan Aksyon Line c/o Inquirer Bandera, MRP bldg., Mola St. cor. Pasong Tirad st., Makati City o kaya ay mag-email sa [email protected], [email protected] or [email protected].
Hangad ng Aksyon Line na buong puso namin kayong mapaglingkuran sa abot ng aming makakaya.
Ang inyo pong lingkod ay maaari rin mapakinggan sa Radyo Inquirer DZIQ 990AM sa Programang Let’s Talk; Mag-usap Tayo, tuwing Lunes, Miyerkules at Biyernes, alas-7 hanggang alas-8 ng gabi; at Isyu ng Bayan tuwing Linggo, alas-8 hanggang alas-10 ng umaga. Maaari rin po ninyo na matunghayan o mapanood sa pamamagitan ng live streaming www.ustream.tv/channel/dziq.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.