53 kandidata sa Miss Universe PH 2024 bardagulan na sa prelims
Ang Top 5 sa Runway Challenge ng Miss Universe Philippines 2024
ABANGERS na ang mga Pinoy pageant fans sa magaganap na preliminary competition para sa Miss Universe Philippines 2024.
In-announce ng MUPH Organization sa pamamagitan ng kanilang official social media pages na mangyayari ito sa darating na Sunday, May 19.
Baka Bet Mo: Herlene Budol makabawi kaya sa Miss Grand Philippines preliminaries?
Huhusgahan ng members ng selection committee ang 53 kandidata na rarampa sa swimsuit at evening gown categories.
View this post on Instagram
Ang mga beauty queen na makakakuha ng highest scores sa naturang preliminary competition ay automatic na magmu-move forward sa semi-final round.
Makakasama rin sa semifinalists ang top winners sa iba’t ibang challenges kabilang na riyan ang swimwear, runway, interview, at casting reel.
Dito na kailangang tumodo ang mga kandidata para mapansin ng mga hurado at umariba sa final round ng labanan.
“Failure of a delegate to impress the judging panel could ruin her chances of placing in the competition.
“It’s the make or break moment for all the aspirants, especially the favorites and frontrunners,” ang sabi pa ng MUPH Organization.
View this post on Instagram
Nauna rito, makikita rin sa social media post ng MUPH ang mga katagang, “Pilipinas, who will rise to the top of the 2024 Miss Universe Philippines preliminary competition?”
Ang magsisilbi namang mga host sa magaganap na 2024 MUPH preliminary competition ay ang outgoing Miss Universe Philippines 2023 na si Michelle Marquez Dee at ang aktor na si Marco Gumabao.
Ang gala night naman ay isasagawa sa Champagne Room ng Manila Hotel sa May 19, 7 p.m..
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.