Labs na labs talaga: Daniel sunud-sunuran kay Kathryn

Nadulas sa pag-amin si Daniel Padilla na “under” siya ni Kathryn Bernardo sa presscon ng latest movie nila na “Crazy Beautiful You.” Harapan kasi nu’ng pigilan ni Kathryn si Daniel na sabihin kung ano ‘yung gusto niyang iregalo ng leading man niya sa movie on Valentine’s Day.

Pero nu’ng nalinawan naman si Daniel ay mabilis niyang binawi na hindi siya under ni Kathryn. Submissive lang daw siya. Kaya hindi na niya sinabi kung ano ‘yung regalo na  gusto ni Kathryn sa Araw ng mga Puso.

Ang nakakabigla nga lang ay si Kathryn pa mismo ang nag-request kay Daniel na regaluhan siya.  Pero para kay Kathryn lambing lang daw niya ‘yun kay Daniel.

Medyo matagal na rin ata nu’ng huling niregaluhan ng bongga ni Daniel ang dalaga. Although, sinabi ni Daniel na lagi naman niyang nireregaluhan ng food si Kathryn sa set nila ng “Crazy Beautiful You” na showing on Feb. 25 directed by  Mae Cruz under Star Cinema.

Hindi  naman nagpatalo si Kathryn kay Daniel kaya ibinandera din niya ang mga regalong gustong matanggap ni Daniel. Sa mga kaibigan ni Daniel nalaman ni Kathryn ang mga gustong gifts ng kalabtim niya gaya ng shades.