Ai Ai kinompronta ang babaeng ‘lumalandi’ sa dyowang bagets

Speaking of Ai Ai, naikuwento niya sa press kung paano niya ipinakita sa boyfriend niyang si Gerald Sibayan ang kaya niyang gawin para ipaglaban ang pagmamahal niya.

Sey ni Ms. A, may isang fan daw kasi si Gerald na nag-message sa Facebook na talagang kinompronta niya. Pero dito raw niya napatunayan ang kanyang pagmamahal.

“Oo, kagabi lang, na-test ko na siya. Kasi parang may nag-goodnight… sa (Facebook) messenger may nag-good night. Sabi ko, ‘Sino yung nag-goodnight?’ Sabi niya, ’Ewan ko, hindi ko kilala.’

“Minessage ko (‘yung girl). ‘Bakit ka naggu-goodnight? Kilala mo ba ako?’ Ang sagot, ‘Hindi po, kaya lang po hinahangaan ko kayo sa badminton.

At saka, hindi po ako interesado.’ Sabi ko, ‘O, hindi ka pala interesado, bakit ka naggu-goodnight? Girlfriend niya ‘to.’ Sabi niya, ‘Ay, sorry po.’ Naloka ako sa kanya!” pahayag pa ng komedyana.

Hindi naman daw nagalit o nabwisit si Gerald sa kanya, tinawanan lang daw siya ng binata. “Tawa nang tawa kasi,’’di ba, tama siya? Hindi naman talaga niya kakilala, e.

Sabi sa akin, ‘Martina, iba ka!’ Sabi ko, ‘Talaga! Ipaglalaban ko ang aking pag-ibig,’” sey pa ni  Ms. A.