Frencheska Farr mala-Jennifer Lopez sa bagong MTV

Speaking of talino, nire-re-invent ng magaling na singer na si Frenchesca Farr ang kanyang sarili.

Matagal-tagal na rin sa showbusiness ang singer-actress at ngayon lang daw niya parang gustong makawala sa sarili.
“May mga past po kasi tayo na gusto nating ibaon sa limot, na gustong kalimutan.

With my passion now to writing songs and making music of my own, ang sarap lang mag-express. Sana po ay magustuhan at makilala ako through my songs,” pahayag ng morenang singer sa amin.

Ang past nga na binabanggit ni Frenchesca ay ang tila pagkakaroon nila ng hindi usual at normal na communication set-up sa bahay nila. “Ako po kasi ang naging breadwinner sa amin.

Dalawa lang kaming magkapatid, panganay ako at lalaki yung sumunod sa akin na medyo malayo ang age-gap. “Tahimik ang father ko habang maingay ang mama ko.

Sa ganu’ng set-up, talang maraming problemang lalabas. Good thing po na ngayon ay mas naging open na kami. And I’m proud to say na malaking bagay yung naibubuhos ko sa pagsusulat ng mga kanta ang lahat ng nangyayari sa buhay ko,” dagdag pa ng Kapuso singer-actress na sa tingin namin ay nagiging kamukha na ni Nikki Gil.

“Let My Fire Out,” ang unang kanta na naisulat at nagawan ng music video ni Frenchesca at nang marinig at mapanood namin ito, na-impress naman kami sa simpleng mensahe ng song – na sa buhay ay maaari ring sumigaw at kumawala sa isang emosyon lalo na kapag nahihirapan ka na.

Napakaseksi at may mga moves si Frencheska sa kanyang MTV na mala-Jennifer Lopez ang dating. Sana nga ay maging succesful pa siya sa mga susunod niyang endeavors.