Huling dyowa ni Venus Raj tumagal lang ng 2 linggo

Napilitang umamin ang beauty queen na si Venus Raj sa tanong ni Kris Aquino noong mag-guest siya sa Aquino & Abunda Tonight na pagkatapos nilang mag-break ni Andrei Felix ay nagkaroon na siya ng ibang special someone.

“Ay, wala na po ulit. Nag-aantay lang po tayo (for a new love),” namimilipit na sagot ni Venus. Napaka-brief lang daw noong huli niyang nakarelasyon but longer than two weeks naman gaya ng sinabi ni Kris.

Balik-eskwela rin si Venus ngayon. She’s taking up her masteral degree in Community Development. She can use her course just in case she decided to enter politics, “Hindi naman po. I really want to have my own organization or foundation.”

Nag-guest si Venus sa A&A Tonight para i-promote ang episode ng Maalaala Mo Kaya na napanood natin kagabi kung saan ginampanan niya ang karakter ng isang binging beauty queen na nakasali sa Top 13 candidates ng Miss World Philippines pageant this year na si Christine Balaguer.

“This is the first time for me to portray a role na walang dialogue, puro sign language. So, mahirap po talaga. It’s a bit challenging,” pahayag ni Venus.

Personal ding nakilala ni Venus si Christine noong bumisita ito sa taping nila sa MMK. Very inspiring ang buhay ni Christine na since birth ang pagiging bingi, “I think this story will really give inspiration sa atin po’ng mga PWD na kababayan.

Kasi marami sa ating mga kababayan ang may kapansanan pero inisiip nila, ‘Ah, hindi ako pwede sa ganyan.’ For example, being a model or join a beauty pageant. Sa tingin mo hindi ka pwede doon dahil kakaiba ka.

Pero para kay Kristine, hindi hadlang ‘yun.” Nakasama rin ni Venus sa nasabing MMK episode sina Matt Evans, Anna Luna, Brenna Garcia, Dexie Daulat, Marnie Lapus, EJ Jallorina at Lui Manansala sa direksyon ni Nuel Naval.