Assistant director nagpa-tattoo ng mukha ni Kiray

KIRAY CELIS

Aliw ang entertainment press na dumalo sa presscon ng “Somebody To Love” kay Kiray Celis dahil halatang kinikilig ito sa kunu-kunong boypren niya na assistant director daw ni direk Wenn Deramas.

Kaya kinukulit ang komedyana kung anong feeling niya ngayon dahil nga parati niyang kasama ang rumored boyfriend niya. Natanong pa nga ang si Kiray kung nakakaramdam na ba siya ng “init” para sa nasabing lalaki.

“Siyempre, kapag nainlab ka, magpapalandi ka, ‘di ba? Ang tawag ko kasi sa mga hug-hug, nakikipaglandi-landi. Alam mo ‘yon? Maarte, gano’n. Wala namang lust, ano ba ‘yun?

“Wala naman akong nilalandi. Priority ko kasi ‘yung family ko. So, kapag pinayagan ako ni Mama, siguro ‘yun na ‘yung turning point ko na, ‘Oh, I’ll try na!’” paliwanag sa amin ng dalaga.

At sobrang confident na ngayon si Kiray dahil pina-tattoo ng guy ang mukha niya sa katawan nito, “Siyempre, ang ganda-ganda ko naman. Hindi naman kataka-taka ‘yon na ipa-tattoo ang mukha ko, pero flattered ako kasi pinalagay niya.

“Siyempre ‘pag pina-tattoo ‘yung mukha n’yo sa katawan niya, hindi n’yo po ba ‘yon ii-Instagram? Dyusko, sino ba namang lalaki ang magpapalagay ng mukha n’yo sa katawan niya?

“Sasabihin n’yo pa ngang bobo, katangahan ‘yon, pero siyempre ako, nakaka-proud. Feeling ko, ang ganda-ganda ko!” kuwento ni Kiray.

At may nararamdaman daw si Kiray sa guy, “Special siya sa akin. Basta ‘pag pinayagan ako ni Mama. Napaka-open ko naman sa nanay ko kung sino ‘yung mga nagkaka-bet sa akin. Kung sino ‘yung okey sa kanya at ‘pag puwede na, very important sa akin si Mama,” diin pa ni Kiray.

Samantala, aliw ang papel ni Kiray sa “Somebody To Love”, isang malanding babae ang role niya sa movie. Challenging daw ito para sa kanya dahil hindi naman daw siya ganu’n sa tunay na buhay.