Boy gustong ma-interview si Bimby; sensitibo sa kondisyon ni Kris
Boy Abunda, Kris Aquino at Bimby
INABANGAN at tinutukan ng mga Kapuso viewers ang interview ni Boy Abunda sa mag-inang Luis Manzano at Vilma Santos sa “My Mother, My Story” sa GMA.
Ipinalabas ito last Mother’s Day at marami ang nagkomento na napakaganda at very inspiring ang naging panayam ni Tito Boy kina Luis at Ate Vi kaya naman looking forward na sila sa next episode nito next month.
Monthly mapapanood ang “My Mother, My Story” pero sey ni Tito Boy, hindi pa niya masabi kung anim na buwan itong tatagal sa ere o mas pahahabain pa.
Baka Bet Mo: Marco Gallo hindi basta-basta maghuhubad sa pelikula: If every movie is good and it needs baring, yes, why not?!
Pero ayon sa premyadong veteran TV host, personal niyang kinakausap ang mga celebrity na gusto niyang maging special guest sa bago niyang programa.
View this post on Instagram
Natanong kasi siya ng press sa naganap na mediacon ng show kung sinu-sino pa ang mapapanood sa mga next episodes ng “My Mother, My Story.”
“We’re working on Andi Eigenmann. She has agreed to do it. So, inaayos pa namin ang detalye kung kaya naming mag-Siargao o gagawin namin dito. Pero we would like to do that story.
“I spoke to Erickson (Raymundo ng Cornerstone) with Julia Montes. That’s a compelling story. Positive din yung response.
Baka Bet Mo: Vice kabog ang birthday video; Ion, Jugs, Teddy, Ryan ibinandera ang pagbati
“And we’re working on Jillian Ward. We are in the middle of conversations. Anim ito, e. Kaya nakabukas lang once a month, pero iyon yung mga kinakausap namin,” pahayag ni Tito Boy.
“Maaaring…uunahan ko na talaga, because I’d love to do Bimby. But I am very sensitive to the condition of Kris (Aquino). Hindi ko lang alam.
View this post on Instagram
“But I will be in touch one of these days. Kung meron akong finale episode, I’d love to be able to talk with my inaanak.
“I don’t know if this is possible. I don’t know if it’s workable. Pero susubukan namin. Pakikiramdaman namin. Because I’m also sensitive to the condition of Kris,” ang pahayag pa ni Tito Boy.
Samantala, nilinaw naman ng host ng “Fast Talk with Boy Abunda” na hindi nila minemenos ang kahalagahan ng mga ama sa kanilang programa.
“Since, this is very personal. I’d like to address na I am not diminishing the contribution of a father in raising a child.
“Parati kong sinasabi that everyone, a father has a mother, a mother has a father. You have a mother, I have a mother.
“It’s probably just a handle dahil maaga namayapa ang aking ama, and I have a very strong relationship with my mother,” katwiran ni Tito Boy.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.