Lagot na naman daw kay Matteo
MUKHANG hindi napanindigan ni Coco Martin na iiwasan na niyang makipag-duet o makasama man lang sa show si Maja Salvador.
Nagkasama kasi ang dalawa sa isang show sa Canada recently at may number pa sila together. At sa nakita naming photo ng dalawa na kuha sa Canada show ay magkahawak-kamay pa sina Coco at Maja nang umapir sa harap ng audience.
This brings to our mind Coco’s statement that he would avoid doing road and mall shows with Maja. He even said that he will also avoid doing a duet with the young actress para wala nang gulo.
Matatandaang nagsimula ang away nina Martin at Matteo Guidicelli nang makarating sa kaalaman ng huli na hinalikan ni Coco si Maja sa isamg mall show para sa pagtatapos ng kanilang soap opera na Minsan Lang Kita Iibigin. At that time, hindi pa inaamin nina Matteo at Maja na magdyowa na sila.
Hanggang sa dumating sa puntong sinuntok ni Coco si Matteo sa Star Magic Ball dahil sa pag-aakalang may masamang balak sa kanya ang boyfriend ni Maja. Naging malaking kontrobersiya ang insidente. After what happened, napilitan sina Maja at Matteo na aminin na ang kanilang relasyon.
Now, going back to Coco, hindi pala niya kayang panindigan ang kanyang mga pinagsasabi sa kanyang sariling presscon na iiwasan niyang makasama si Maja sa mga show. At ano kaya ang magiging reaction ni Matteo sa bagong eksenang ito? Magkaroon kaya ng part 2 ang kanilang “teleserye”?
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.