Andi galit na galit sa Salisi Gang, mga kaibigan ninakawan sa loob ng sinehan
GALIT na galit si Andi Eigenmann sa mga nagsamantala sa mga kaibigan niyang dumalo sa premiere night ng kanyang latest movie. Apparently, nabiktima ng magnanakaw ng ilang friends niya na sumuporta sa kanyang pelikula.
“Ilan sa mga kaibigan ko nanakawan kanina sa sine pagkanood mg premiere night. Pasalamat nalang at hindi sila nasaktan. Pero hindi ibig sabihin dapat nang makalampas ang mga taong ito, na napakamakasarili,” tweet niya.
“Ang mga inimbitahan namin ay ang mga taong sumusuporta at nagmamahal sa amin. Para makisama sa pag celebrate ng isang bagay na mahalaga para sa lahat ng bumubuo ng pelikula.
Ang dami palang mga taong napakamakasarili. Mga walang modo,” dagdag niya. Sino kayang mga friends niya ang nanakawan? At paano kaya sila nanakawan?
May balitang mga miyembro ng Salisi Gang ang umatake sa nasabing sinehan. Anyway, magsilbi sanang lesson ito para sa mga dumadalo sa premiere night para hindi na maulit.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.