Rhian Ramos hindi naniniwala sa kasal pero biglang nagbago dahil kay SV
Rhian Ramos at Sam Verzosa
HINDI naniniwala sa kasal ang Kapuso actress at TV host na si Rhian Ramos dahil sa paghihiwalay ng kanyang mga magulang.
Feeling ng dalaga, wala talagang forever pagdating sa pakikipagrelasyon. Pero bigla raw itong nagbago nang dumating sa buhay niya ang Manila City mayoralty candidate na si Sam Verzosa.
Sey ni Rhian sa guesting niya sa isang episode ng “Fast Talk With Boy Abunda,” tumatak sa isip niya na lahat ng magdyowa ay maghihiwalay din kapag nagpakasal dahil nga sa nasaksihan niya sa pagsasama ng kanyang parents.
“So parang for a long time, naiisip ko na nothing talaga lasts forever. But, ayun, and then parang later on naman, ‘yung how I made sense of that.
“Minsan kasi may naiisip ka as a child, tapos habang while you’re growing up, parang dyina-justify mo nang dyina-justify kung bakit ‘yun ‘yung pinaniniwalaan mo,” saad ni Rhian.
Dagdag pa niya, “And so, I just felt like masyado siyang asking too much na to have just that for the rest of your life.”
View this post on Instagram
Ngunit nagbago nga raw ang pananaw niya tungkol sa pagpapakasal mula nang maging magdyowa sila ng TV host at public servant na si Sam Verzosa o SV.
“Siguro kung iniisip ko before na nothing lasts forever and it’s asking for too much to just have that one person for the rest of your life…
“Siguro kasi now naiisip ko and the more I get to know him, (Sam) talagang every day I learn something new, I experience something new, and I’m never ever bored because kakaiba, eh. I’ve never met anyone talaga like this,” sey ng Kapuso star.
Saad pa niya, “Sometimes I see him in so many different ways. Sometimes I see him as this man that is more mature than me, that can teach me things.
“Sometimes I see him as this little baby that I want to squeeze and take care of. Parang ganu’n. So, I see him in so many different ways. It’s never the same,” pagbabahagi pa ng isa sa lead stars ng pelikulang “Sinagtala” na showing na ngayon sa mga sinehan.
Pagpapatuloy pa ni Rhian, “Parang for me also I’ve noticed na I’ve become a better, more mature person. More patient.
“But ayun, parang I can see myself really taking care of this partnership and doing life with this person,” sabi pa ng aktres.
Anyway, magaganda ang review ng mga nakapanood na sa “Sinagtala,” kung saan kasama rin ni Rhian sina Glaiza De Castro, Matt Lozano, Rayver Cruz, at Arci Muñoz.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.