Rhian Ramos sa 2 taon ng kanyang buhay: Gusto ko na talagang sumuko
Rhian Ramos at Sam Verzosa
NAPALUHA ang Kapuso actress na si Rhian Ramos nang balikan ang mga hinarap na mga challenge sa kanyang career at personal life.
Naging emosyonal ang dalaga sa naging panayam sa kanya ng “Fast Talk with Boy Abunda” nitong nagdaang Lunes, March 31, lalo na nang mapag-usapan ang pagsisimula ng career niya sa mundo ng showbiz.
Hindi raw naging madali para sa kanya ang ilang taon nang pagtatrabaho niya bilang artista sa batang edad. Aniya, may mga pagkakataon na feeling niya ay nag-iisa lamang siya sa pakikipaglaban sa buhay.
“I was young, so I was really affected. I felt so alone, and I really wanted to give up,” sabi ng aktres na umabot pa sa puntong palagi niyang “hate” ang kanyang sarili.
Dahil dito, may mga araw na gustung-gusto na niyang sukuan ang life, “There were two years of my life na parang when I say I wanted to give up, I’m not talking about showbiz, I’m talking about, you know, life as I knew it.”
Pero habang tumatagal at habang tuloy ang pakikipaglaban niya sa mga pagsubok, dumating din yung araw na na-discover niya ang tunay na sarili at ma-realize na talagang dumarating ang mga challenges sa mga oras na hindi mo inaasahan.
View this post on Instagram
“In earlier years of my life, na-fi-feel ko, minsan, ‘yung parang hindi ko gusto ‘yung sarili ko, hindi ko mahal ‘yung sarili ko, at ‘yung lagi kong iniisip, ‘Bakit ako ganoon? I’m so unlikeable.’ Ang dami kong self-hate,” pagbabahagi pa ni Rhian.
Aniya pa kay Tito Boy, “Na-let go ko na lahat ‘yun. I think I’ve dealt with so many of my traumas and my issues already na whoever I am now, I love myself, I support myself, and I’m proud of myself.”
Nabanggit din niya ang isa sa mga biggest blessing na dumating sa kanyang buhay, yan ay ang partner niyang si Sam Verzosa na tumatakbong mayor ngayon ng Maynila.
“I can see myself really taking care of this partnership and doing life with this person,” ang sabi pa niya sa relasyon nila ngayon ni SV.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.