Rhian Ramos, Michelle Dee bardagulan sa kaseksihan; paburol sa presscon viral
Rhian Ramos, Michee Dee, RS Francisco, Richmond Yu, Sam Verzosa at Boy Abunda
BARDAGULAN sa kaseksihan ang mag-BFF na sina Michelle Dee at Rhian Ramos sa bonggang-bongga launch ng bago nilang endorsement.
Dream come true para sa magkaibigang Kapuso stars na magkasama sa isang pak na pak na mediacon para sa isang project kung saan pwede nilang gamitin ang kani-kanilang advocacy bilang mga babae.
Nag-uumapaw at nagmumura ang kagandahan at kaseksihan nina Rhian at Michelle suot ang kanilang pasabog na red OOTD nang rumampa na sila sa stage ng Frontrow International events place somewhere in Quezon City recently.
Dito pormal nang ipinakilala ang mag-BFF bilang celebrity ambassadors ng bagong face at image ng Luxxe White under Frontrow International na pag-aari nina RS Francisco, Sam Verzosa at Richmond Yu.
Ilang taon nang nagsasama bilang housemates sina Michelle at Rhian pero knows n’yo ba na madalang na silang magkasama at magkachikahan kahit magkasama sila sa isang bahay.
“We’re both really busy kaya even if we live together bihira na lang po kami nagkikita. Makikita niya ako when I come home from shooting. Doon na lang kami nagkikita,” sey ni Rhian.
View this post on Instagram
Lahad pa ng partner ni Sam Verzosa, “It’s good for your health to have female friends around you. It’s not only healthy for women, it’s healthy for everyone to have female friends or sisters.”
Natanong naman si Michelle kung ano ang secret ng long-lasting friendship nila ni Rhian, “We’re on the same page. We like the same things. We have the same taste.
“I just knew I wanted to live with her after traveling with her, and it wasn’t until I lived with her that I realized she was my best friend in life,” aniya pa.
Sa pakikipagchikahan naman ng magkaibigan sa kay Tito Boy Abunda na nagsilbing host sa kanilang product launch, natanong kung paano sila napa-yes bilang mga bagong ambassador ng Luxxe White.
“Well, even before becoming an endorser, I was already using it ever since I met Sam (Verzosa) started using the product and I saw the difference. Iba kasi yung nagpapaganda ka dun sa yung health ay nakita lumabas from within.
“Alam mo yun, iba yung mukha ng gandang healthy. That’s what I noticed, the difference that it gave me. So yeah, I would’ve done it for free. I mean, I was already a user,” sabi pa niya.
Sundot na tanong ni Tito Boy kay Rhian, “Do you have a good contract?” Natawa muna ang aktres sabay sabing, “I read all my contract three, four, five times, so I am good. I am actually compensated more than what the contract said.”
Sabi naman ni Michelle about endorsing the Slim variant, “In today’s life, especially ang daming–I’ve had the most busy past three years in my career. Being slim and healthy is not… it’s a balance. It’s a balance of food and nutrition, an I am picky with what goes inside my body.
“It really helps increase my metabolism. Kapag tumatanda ka na, medyo kailangan mo ng mabilis na metabolism, and this really helps me and gives me so much energy throughout the day. It’s a perfect complement for my very busy lifestyle,” chika ng actress-beauty queen.
Samantala, shookt ang lahat sa pasabog na PR gimik ng Frontrow na talagang nag-viral sa social media na may tagine na “Goodbye, Luxxe White”.
Meron kasi silang “paburol” sa Quezon City HQ ng Frontrow dahil sa pamamaalam ng kontrata ng naturang brand. Nasa loob talaga ng kabaong ang mawawalang produkto with matching pa-viewing pa sa mga dumalong press people.
Bukod dito, may naganap pang “eulogy” kung saan nagbigay ng goodbye message ang tatlong may-ari ng brand. At kasunod nga nito ay ang pagpapakilala sa bagong mukha ng kanilang product with Rhian and Michelle.
“We just didn’t launch a product. We created a moment in marketing history. Real visionaries never follow the rules -– they rewrite them,” sabi ni RS.
Advice pa niya sa mga kapwa negosyante, “Be fearless. Think outside the box. Huwag kang pumayag na maging regular. Huwag kang pumayag na maging generic. Huwag ka ring mangopya. Isip ka ng original.”
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.