Miss International 2025 ibabandera ang bagong reyna sa Tokyo sa Nov. 27
PHOTO: Instagram/@missinternationalofficial
HANDA na ba kayo, mga pageant lovers?
Inanunsyo na kung kailan pipiliin ang bagong reyna para sa Miss International 2025!
Ang grand coronation ay mangyayari sa Tokyo, Japan sa darating na November 27.
Ang kaabang-abang na engrandeng event ay ibinandera mismo ng Miss International Organization sa kanilang social media accounts kamakailan lang.
“Miss International 2025 will be held in Tokyo, Japan on November 27th [crown emoji],” ayon sa kanilang post sa Instagram.
Baka Bet Mo: Thailand ‘host country’ para sa Miss Universe 2025 pageant
View this post on Instagram
Kinumpirma rin sa isang separate post na mahigit 70 contenders mula sa iba’t-ibang bansa ang magpapasiklaban para makuha ang titulo at korona ng kasalukuyang reyna na si Huỳnh Thị Thanh Thủy ng Vietnam—ang kauna-unahang Vietnamese Miss International!
“More than 70 elite group of accomplished young women from all over the world will converge in this two-week event filled with educational and cultural activities, and one of them will be crowned as the new Miss International at the end of the final gala,” wika sa post.
View this post on Instagram
Ang pambato ng Pilipinas for this year ay si Myrna Esguerra na nagwagi sa ika-60th edition ng Binibining Pilipinas noong nakaraang taon.
Maiuuwi niya kaya ang ika-pitong korona ng Pilipinas?
Kung mapapansin, ang ating bansa ang itinuturing na pinakamatagumpay na Asian country sa naturang kompetisyon.
Dahil ilan lamang sa mga naging pambato natin na naging Miss International ay sina Aurora Pijuan, Bea Rose Santiago, Gemma Cruz, Melanie Marquez, Precious Lara Quigaman, at Kylie Verzosa.
Nako, talagang magiging abala ang mga beauty pageant enthusiasts ngayong Nobyembre dahil nauna nang inanunsyo ng Miss Universe na gaganapin naman ang kanilang 2025 coronation night sa Bangkok, Thailand sa November 21.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.