Iza Calzado praning sa pagpasok ni Amihan sa showbiz, may dasal kay Lord

Iza Calzado, Ben Wintle at Deia Amihan

NAPAPRANING ang award-winning actress na si Iza Calzado kapag naiisip niya ang pagpasok ng kanyang anak na si Deia Amihan sa mundo ng showbiz.

Hindi maiwasan ni Iza na mangamba kapag dumating na yung araw na magdesisyon ang anak nila ni Ben Wintle na pasukin din ang entertainment industry.

Sa panayam ng “Fast Talk with Boy Abunda”, inisa-isa ni Iza ang ilan sa mga maaaring mangyari sa kanyang anak sa showbiz, kabilang na ang posibleng pananamantala ng ibang tao.

“Ang dami kasing posibilidad. Puwedeng, let’s say, hindi dito sa Pilipinas, wala ang protection ko. Let’s say lang. Somebody taking advantage of her, somebody powerful, these are all possibilities. Or her getting so lost in the lifestyle.

Baka Bet Mo: Heart sa ayaw maniwalang lips lang pinaretoke: Magpapa-X-ray ako!

“And, you know, these are possibilities. But, hindi ko kasi siya talaga iniisip Tito Boy, masyado,” ang sey pa ng aktres hinggil sa possibility ng pag-enter ni Deia Amihan.

 

View this post on Instagram

 

A post shared by Iza Calzado Wintle (@missizacalzado)

Patuloy pa ni Iza, “Kasi my prayer is this. Because I cannot stop life from happening for her. Not just to her. Life happens for us for a reason. To develop us.

“My prayer is for God to keep her strong. For her to be resilient. So that whatever happens in life, wherever life takes her, babangon at babangon siya,” sabi pa ng celebrity mom.

“Kasi hindi natin po mapipigilan ang kung anuman, ang baraha, ang pag-ikot ng mundo. And my prayer is that she does things with the lightness of being that I got from my father and that I have inside me. Despite the struggles, have that lightness of being,” dagdag pa ni Iza.

Nito lamang January ay nag-celebrate ng 2nd birthday si Deia na kinuha ang pangalan mula sa makasaysayang  karakter niya sa GMA action-fantasy series na “Encantadia” – si Sang’gre Amihan.

Nagpakasal naman sina Iza at Ben noong 2018.