Jeraldine at Joshua ng The Blackman Family hiwalay na: Hindi ito prank
Jeraldine Blackman
HIWALAY na ang sikat na content creator na si Jeraldine Blackman sa kanyang asawang Australian na si Joshua Blackman.
Lumuluhang kinumpirma ng vlogger ang malungkot na balita sa pamamagitan ng isang video na ini-record niya habang nasa loob ng kanyang sasakyan.
Ipinost niya ang naturang video ngayong araw, February 21, sa kanyang Instagram page kung saan sinabi nga niya na nagdesisyon silang tapusin na ang kanilang pagsasama bilang mag-asawa.
“I have been trying to find the right time, when I’m gonna get the courage for me to post this one online.
Baka Bet Mo: Jeraldine Blackman nakaranas ng racism sa Australia; bilib na bilib kay Rhea Tan
“Josh and I have separated. We’re good friends. I just know that he is a good person and he is the best father that Jette and Nimo could ever have,” ang umiiyak na sabi ni Jeraldine.
View this post on Instagram
Pitong taon ding nagsama bilang mag-asawa ang kilalang social media influencers na kilala sa socmed bilang The Blackman Family. Biniyayaan sila ng dalawang anak – sina Jette at Nimo.
Pinasalamatan ni Jeraldine ang lahat ng sumusuporta sa kanilang pamilya at nag-sorry sa lahat ng kanilang social media followers sa nangyari sa kanila ng asawa.
“I’m so sorry. We have a lot of you guys who love us. Thank you for all the support for the last three years. It’s been amazing. It’s been one of the best.
“Thank you for loving the Blackman family,” aniya pa.
Siniguro naman niya na kahit naghiwalay na sila ni Joshua ay nananatili pa rin ang respeto nila sa isa’t isa, “We’re good friends. I just know that he is a good person.
“And he is the best father that Jette and Nimo could ever have,” ani Jeraldine na patuloy pa rin ang pagluha.
Inakala ng ilang netizens na prank lang ang video ni Jeraldine pero totoo ang naging pahayag ng vlogger.
View this post on Instagram
Sa isang hiwalay na post niya sa Instagram, sinabi ni Jeraldine na bumalik ang faith niya kay Lord dahil sa kanyang nakahiwalay na asawa, “Josh was the one who introduced me to Christian life again.
“He was the one who made me become like this. And without him…” ang sabi ni Jeraldine na hindi na natapos ang sasabihin.
Pagpapatuloy ng Pinay nurse, “I’m just so lucky that Jette and Nimo have him. We are gonna be co-parenting.”
Nagkakilala sina Jeraldine at Joshua sa eharmony, isang Australian dating app noong 2014 at ikinasal noong 2017.
Last year, umuwi sa Pilipinas ang Blackman Family dahil sa ilang endorsements kasabay din ng pagpirma ng kontrata sa Sparkle GMA Artist Center.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.