Derek Ramsay pinagtripan ang nagsabing hindi anak si Baby Lily

HINDI pinalagpas ng aktor na si Derek Ramsay ang isang netizen na nagsabing hindi raw niya tunay na anak ang panganay nila ni Ellen Adarna na si Baby Lily.

Sa kanyang Instagram stlarawan ory nitong Huwebes, February 20, ibinahagi niya ang screenshot ng comment ng netizen patungkol sa kanyang anak.

Kasama rin dito ang larawan kung saan hawak hawak ni Derek ang anak habang nilalaro ni Ellen.

“That’s not his baby. It was on the news that he did a DNA test and he wasn’t the baby daddy,” komento ng netizen.

Baka Bet Mo: Derek pumalag sa basher na dinamay ang anak: ‘Example how evil the world is’

 

View this post on Instagram

 

A post shared by Bandera (@banderaphl)

Ngunit sa halip na magalit at seryosohin ang maling akusasyon na ibinabato ng netizen ay pinili na lang ni Derek na sakyan at pagtripan ang netizen.

Aniya, hindi raw nakarating ang kopya ng DNA test sa kanya.

“Omg!!! The DNA test was sent ba to you? Kaya pala hindi ko nakuha,” panunupalpal ni Derek sa netizen.

Matatandaang October 2024 nang ipanganak ni Ellen ang kanilang baby girl na si Liana.

Bagamat maraming mga lumabas na balita tungkol sa pagbubuntis ni Ellen ay naging tikom ang bibig nila Derek at walang inilabas na kumpirmasyon.

Kaya marami ang nagulat nang mabalitaan ang panganganak nito.

“My world keeps getting better and better! [smiling face with hearts emojis] #houseofdragons,” post noon ni Derek kasama sina Baby Lily, Ellen at si Elias, ang panganay ni Ellen kay John Lloyd Cruz.

Paglilinaw naman noon ni Ellen, hindi niya naman itinago ang kanyang pagbubuntis at alam ito ng mga taong nakapaligid sa kanila.

“hindi ko gusto surprise. Alam naman ng friends and family and di ko naman tinatago when i go out, crop top ako kahit malaki tyan.

“I just didnt announce because i dont need to. I want a quiet and peaceful pregnancy. Last thing i need are opinions from people i dont know and unsolicited advice,” sey ng asawa ni Derek.