Apollo Quiboloy inireklamo ng rapper: Ninakaw ang music namin at binaboy!
Apollo Quiboloy at Omar Manzano
BAD trip ang rapper na si Omar Manzano o mas kilala bilang si “Omar Baliw” matapos gamitin ang kanyang kanta bilang campaign jingle ni Pastor Apollo Quiboloy.
Napanood ni Omar ang video kung saan maririnig na pinatutugtog ang kanta niyang “K&B” sa ginanap na proclamation rally ng senatorial apirant na si Quiboloy sa Pasig City kamakailan.
Sa kanyang Facebook page, ipinost ni Omar ang video clip kung saan maririnig ang campaign jingle ni Quiboloy na ang tunog ay hango nga sa kanyang kanta.
“Di pa nakaupo, nagnakaw na agad. Wala kameng kinalaman dito. Pwede ba to ipa-barangay? Hahaha. Awit,” ani Omar sa kanyang caption.
Isang netizen ang tumawag kay Omar na “bayaran” kaya naman agad niya itong sinupalpal. Naniniwala raw siya na supporter ni Quiboloy ang naturang Facebook user.
Baka Bet Mo: ‘Pepe Mo, Pepe Ko’ jingle hindi na ginamit ng isang kandidato matapos warningan ng Comelec: ‘I’m awfully sorry’
Muli niyang ipinunto na mali at hindi makatarungan ang paggamit ng kanyang kanta sa isang political rally nang walang pahintulot.
“Ganito ang pinsala pag maling impormasyon ang makakarating sa tao. Uulitin ko ulit, wala kameng kinalaman dyan. Ninakaw ang music namin at binaboy,” sabi ng rapper.
Para ipagdiinan ang kanyang punto, ipinost din ng singer-songwriter ang video kung saan mapapanood ang pagkanta niya ng “K&B” sabay sabing, “Eto legit.”
Narito naman ang mga reaksyon ng netizens sa reklamo at sentimyento ni Omar.
“Ninakaw ang music at ginamit nang walang pahintulot. Pagnanakaw yarn.”
“Hahahahaha awiittt!”
“Yuck hahahahhaa!”
“QUIBALIW ang gustong COLLAB.”
“ANG GUNGGONG NAMAN NYAN!!”
“HAHA BLESSING IPAMAHAGI.”
“Korapsyon ay isantabi, Blessing ay ipamahagi noyy! Hahaha.”
Noong October, 2024 ay nagpaalala na ang Intellectual Property of the Philippines (IPOPHL) sa lahat ng tatakbong kandidato na irespeto at sundin ang intellectual property rights ng mga gagamitin nilang promotional at campaign materials.
Habang isinusulat ang balitang ito ay hindi pa naglalabas ng pahayag ang kampo ni Quiboloy tungkol sa reklamo ni Omar Baliw.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.