Joey Reyes idol sina Maris, Anthony, Kaila: ‘Samples of best young actors!’

Direk Joey Reyes, Maris Racal and Anthony Jennings, Kaila Estrada

IBINANDERA ni Film Development Council of the Philippines (FDCP) chairman Direk Joey Javier Reyes ang pagiging fan boy niya –hindi sa K-Pop stars, kundi sa ilang local young actors.

At sila’y walang iba kundi sina Maris Racal, Anthony Jennings, at Kaila Estrada.

Ang pag-amin ng direktor at FDCP chair ay ibinida niya mismo sa kanyang Facebook page kamakailan lang.

Mukhang tagasubaybay si Direk Joey sa bagong action series na “Incognito” dahil tampok diyan ang tatlong artista.

“Regardless of what you think or feel about their personal choices, there is no denying whatsoever…that these two are samples of the BEST YOUNG ACTORS in our local entertainment universe today. Add Kaila Estrada to the fray,” caption niya, kalakip ang litrato ng MaThon.

Pagpupuri pa niya sa tatlo na tila tinutukoy rin ang nabanggit na serye, “They elevate their TV series far above the complexities of action scenes.”

Giit pa niya sa FB, “I am their fan.”

Speaking of “Incognito,” maswerteng nagkaroon ng exclusive interview ang BANDERA kasama ang buong cast nito na sina Maris, Anthony, Kaila, Ian Veneracion, Richard Gutierrez, Daniela Padilla, Baron Geisler, pati na rin ang direktor na si Lester Pimentel Ong.

Ipinaliwanag ni Direk Lester na ang konsepto ng serye ay umiikot sa mundo ng private military contractors.

“The idea is about a private military contractors…isa [itong] entity na ine-engage ng governments all over the world to do missions. Hindi sila mga sundalo, pero gumagawa sila ng military work. So parang sub-contractors sila,” esplika niya.

Sinabi naman ni Baron na ang “Incognito” ay higit pa sa isang action series.

“It’s not just an action series. It’s a series with heart, soul and a lot of people will relate to each character na prinovide ng writers…We have a great, great story so malamang, kakapit ‘yung mga manonood,” pagmamalaki ng batikang aktor.