BINI Aiah umiiyak na nagpasalamat sa bashers: Ang sakit n’yo magsalita
BINI
SA halip na resbakan at pagsalitaan din ng masama, nagpasalamat pa ang Nation’s Girl Group na BINI sa kanilang bashers at haters.
Ramdam na ramdam namin ang kaligayahan ng walong miyembro ng super all-female P-pop group sa contract signing nila kahapon, February 4, sa ABS-CBN na ginanap sa Dolphy Theater.
Talagang bumuhos ang luha sa venue dahil sa pag-iiyakan nina Aiah, Colet, Gwen, Jhoanna, Maloi, Mikha, Sheena at Stacey kaya naman napaiyak na rin ang ilang bossing ng ABS-CBN pati na ang mga Blooms (BINI fandom) ma naimbitahan sa naturang event.
Tinawag na “BINI Kapamilya Hanggang Dulo” ang pagpirma muli ng exclusive contract ng walong miyembro ng grupo kung saan present din sina ABS-CBN Chairman Mark Lopez, ABS-CBN president/CEO Carlo Katigbak, COO of Broadcast Cory Vidanes at ABS-CBN head of TV Production at Star Magic head Lauren Dyogi.
Baka Bet Mo: Pakiusap ni BINI Aiah: Respect our personal time and our humanity
Isa-isang nagpasalamat ang mga girls sa kanilang mga supporters, pamilya at sa kanillang management sa patuloy na pagmamahal at pagsuporta sa kanilang career.
View this post on Instagram
Pero ang isa sa nagmarka sa amin ay ang mensahe ni BINI Aiah sa kanilang mga bashers na hindi rin tumitigil sa pambabagsak at pangnenega sa kanila until now.
Sey ng dalaga, totoong hindi madaling harapin at tanggapin ang natatanggap nilang hate comments at negativity sa social media, lalo na kapag mga pamilya na nila ang tinitira.
“Thank you kasi that’s what motivates us to keep pushing, to be stronger and to really give out our all.
“And at least that’s something na we can turn to something great. And minsan man na nakaka-test talaga siya, super, and masakit siya, pero it also allows us to look at all the brighter things in life and the many things we could be grateful for,” pahayag ni BINI Aiah.
Patuloy pa niya, “And thank you, kasi ’yun, sa mga bashers, ang sakit n’yo magsalita pero thank you pa rin. Pero, kayo kasi (sabay turo sa camera), baka ma-bash ako nito! Ha-hahaha!
“Hindi, ayun, kasi because of it, parang mas lalo ako tuloy nagkaka-purpose kung bakit it’s always nice to be loving kasi ang daming hate, ang daming negativity.
“So parang you get to see all of it and it makes you have that purpose to keep doing good because people need that love, people need that kindness.
“And us being here, being walo, being complete as eight, it shows how strong we are together kasi ang dami na ’yung pinagdaanan na hindi namin sinasabi, hindi namin pinapakita, maybe, siguro, minsan umaapaw na at nakikita.
“Pero mas marami pang hindi namin pinapakita na mas masakit pa but we are strong,” aniya.
Hirit pa niya, “And ang strong namin kasi nag-renew pa kami, eh! Hindi, loko lang!” Na sinundan ng hiwayan at palakpakan mula sa audience.
Muling sumeryoso ang dalaga, “We’re strong, we’re strong because we know we can do it and mas mai-strengthen pa namin ang bond namin sa isa’t isa, ‘yung skills namin and just in general with how we’re gonna be in the future.
“I also wanna thank our future selves kasi there’s gonna be more fun in the future, its gonna be exciting, there’s gonna be a lot of ups and downs, but at least, we are all complete and it’s either walo or wala!” mariing sabi pa ni Aiah.
Anyway, sandamakmak na paandar at pasabog ang dapat abangan ng Blooms sa BINI ngayong 2025 kabilang na riyan ang Philippine leg ng “BINIverse World Tour 2025″ na gaganapin sa Philippine Arena sa February 15.
Bukod dito, may bago rin silang single na pinamagatang “Blink Twice” at ire-release ito dalawang araw bago ang “BINIverse World Tour.”
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.