BINI nag-iyakan sa ABS-CBN contract signing: Walo hanggang dulo!

BINI
BUMUHOS ang luha sa naganap na contract signing ng Nation’s Girl Group na BINI sa ABS-CBN Network kahapon, February 4.
Hindi napigilan ng mga miyembro ng pinakasikat na all-female girl group sa Pilipinas na maging emosyonal pagkatapos nilang pumirma ng network contract na ginanap sa Dolphy Theater (inside ABS-CBN building).
Solid Kapamilya pa rin ang BINI na kinabibilangan nina Aiah, Colet, Gwen, Jhoanna, Maloi, Mikha, Sheena, at Stacey, matapos nga silang pumirma ng exclusive contract sa ABS-CBN.
Present din sa contract signing ang mga bossing ng network na sina Chairman Mark L. Lopez, President and CEO Carlo L. Katigbak, COO of Broadcast Cory V. Vidanes, at ABS-CBN head of TV Production at Star Magic head Laurenti Dyogi.
Baka Bet Mo: Pia Wurtzbach sa mga walang dyowa: Trust in the universe, your time will come…
Naluluha ring mensahe ni Tita Cory sa grupo, “Congratulations and thank you very much. Thank you for your continued trust in ABS-CBN. You trusted us from the day each of you auditioned for BINI until today that we signed our new contract.
View this post on Instagram
“This contract is very important to all of you and to all of us because this is a commitment to our shared goal of world-class excellence. Congratulations on all your successes.
“We are very proud of who you have become and all that you have achieved. You have proven to be amazing, authentic and empowered women with excellent talent and big hearts that are filled with love to share to everybody.
“BINI, you are very special and you have become a part of Pinoy culture. You have won the hearts of millions of Filipinos worldwide. You rightfully deserve to be called our Nation’s Girl Group and the pride of Filipinos,” pahayag pa ng TV executive.
Patuloy pa niya, “To be here to hold your hands, to guide you, to support you, maasahan niyo ‘yan. To your parents and your families, thank you for trusting us through the years with your girls. Salamat.”
Pahayag naman ni BINI Jhoanna, “Kinakabahan, natutuwa and sobrang grateful lang kami for this day. This contract signing is not just a milestone, it’s a promise that palagi naming gagalingan.
“We will continue working hard and grow as artists. Thank you so much ABS-CBN dahil kasama namin sila sa mga susunod naming taon sa pagtupad nang mas marami pa naming pangarap,” aniya pa.
Isa-isa ring pinasalamatan ng mga BINI members ang kanilang mga pamilya, ang ABS-CBN, at ang kanilang milyun-milyong fans.
Message ni BINI Aiah, “Thank you because you are the very first ones who believed in us when we were still in our teenage years. Mostly sa amin away from our family and friends and it was really hard for us.
View this post on Instagram
“We trusted you po and thank you so much for trusting us as well. We are going to keep trusting you until we are on our 30s or how many years to come. … Thank you so much because you allowed us to be us,” dagdag pa niya.
Nagpasalamat naman si BINI Mikha sa mga Blooms (fandom ng grupo) matapos mapanood ang video greetings ng mga ito mula sa iba’t ibang panig ng mundo.
“Kita niyo naman na-appreciate namin ‘yung ginagawa niyo ‘di ba? Sobrang nakakatuwa lang kasi never naming in-expect na may mga Blooms na makakapansin sa mga bagay na hindi namin in-expect na mapapansin nila na they really show genuine care sa amin.
“To have you guys in this journey of us, we would just like to say thank you Blooms,” lahad pa ni Mikha.
Sabi naman ni Jhoanna, “Aside from our Blooms, gusto rin namin na mag-thank you sa families namin na nandito kasama namin. Thank you. Alam niyo ba Blooms dito (Dolphy Theater) rin kami unang nag-evaluation?
“Dito kami nag-perform. Parang wala lang bumabalik ang memories and kasama namin ang families namin. Thank you po.
“Thank you for keeping as grounded kasi sobrang overwhelming ang mga nangyari, especially last year na nag-iba ang takbo and thank you for guiding us na maging humble palagi,” saad ni Jhoanna.
Narito naman ang mensahe ni BINI Stacey, “Grabe din kasi ‘yung journey naming BINI, ‘yung talagang pinaghirapan namin kung nasaan kami ngayon.
“Grabe, kasi lahat kami ‘yung nakikita niyong walo rito, nag-audition talaga kami, pinilihan namin kung nasaan kami ngayon. Super thank you sa mga nagtiwala sa amin.
“Yung mga pangarap namin na mina-manifest namin before unti-unti na siyang natutupad. Thank you so much for the blessing and — walo hanggang dulo,” chika ni Stacey.
Para naman kay BINI Maloi, “Hindi namin kayo kilala isa-isa, ‘di namin kayo nakakausap, nahahawakan, nayayakap pero y’ung pagmamahal na ibinibigay niyo sa kahit anong way, nararamdaman namin. Maraming, maraming salamat Blooms.
“Gusto ko lang din magpasalamat sa BINI, thank you for this life, thank you for giving me life. Thank you for being part of my life. And let’s live this life happily kahit marami tayong pagdadaanan. Alam ko na itong buhay na ito, ito ang ikukuwento natin sa lahat. Thank you so much,” dagdag ni Maloi.
Samantala, abangers na naman ang mga Blooms sa Philippine leg ng much-awaited “BINIverse World Tour 2025” na magaganap sa Philippine Arena ngayong February.
Noong June, 2024, successful din ang kanilang “BINIverse” concert series sa New Frontier Theater, Araneta City, Cubao na sinundan pa ng 3-night soldout “Grand BINIverse” concert sa Araneta Coliseum.
Last year, marami ring natanggap na award ang BINI kabilang na ang “Voices of Asia Award” sa “Billboard K POWER 100” na ginanap sa Seoul, Korea at naging cover pa ng anniversary issue ng Billboard Philippines.
Ilan sa mga pinasikat na kanta ng BINI ay ang “Born To Win,” “Karera,” “Salamin, Salamin,” “Pantropiko,” at marami pang iba.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.