BINI Aiah first time na-meet si Jak Roberto: We didn’t get to hang out after
MULING itinanggi ng isa sa mga miyembro ng nation’s girl group na si BINI Aiah Arceta na walang namamagitan sa kanila ng Kapuso actor na si Jak Roberto.
Sa kanyang naging guesting sa “Fast Talk With Boy Abunda” napag-usapan ang nagdaang isyu tungkol sa kanya nang subukan niyang mag-scuba diving sa Cebu kasama ang isa pang kaibigan.
“Aiah, ikaw naman daw, ay idinidikit ang pangalan ni Jak Roberto sa ‘yo, where is this coming from? Is it true, yes or no? We wanna hear your story,” tanong sa kanya ni Boy Abunda.
Sagot ng dalaga, walang katotohanan ang mga kumakalat na chika tungkol sa kanilang dalawa.
Baka Bet Mo: BINI Aiah umiiyak na nagpasalamat sa bashers: Ang sakit n’yo magsalita
View this post on Instagram
“Ah, yes, that photo, so that was the very first time na I met him and I didn’t even know na he would be there kasi my friend, may kasama po ako diyan, si Gab po, […] they’re friends,” paglalahad ni Aiah.
Pagpapatuloy pa niya, “So ‘yun po, it was the very first time I met him and we didn’t get to hang out after.”
Chika pa ni Aiah, dahil raw sa mga larawang nai-post niya kung saan magkakasama sila sy maraming nag-isip na baka may something sa kanilang dalawa.
“‘Yun lang, ‘yun lang po. And then because of the photo, they thought him and I are something or nag-uusap po kami, but no po,” dagdag pa ng dalaga.
Matatandaang agad na nag-viral ang mga larawan ni Aiah kasama si Jak at iba pang mga kaibigan dahil noong mga panahon na ‘yun ay fresh pa ang chika na hiwalay na sina Barbie at Jak.
May mga nagsasabi pa nga na agad raw naka-move on si Jak at nakikipag-date na sa iba.
Ngunit paglilinaw ni Aiah, walang katotohanan ang mga ibinabato sa kanyang chika.
Nitong Martes, February 4, muling pumirma ng kontrata ang BINI sa ABS-CBN.
Dito ay emosyonal na nagpasalamat si Aiah sa mga bashers sa kabila ng mga hindi magagandang sinasabi nito sa kanya at sa iba pa niyang mga kasamahan.
“And thank you, kasi ’yun, sa mga bashers, ang sakit n’yo magsalita pero thank you pa rin.
“Hindi, ayun, kasi because of it, parang mas lalo ako tuloy nagkaka-purpose kung bakit it’s always nice to be loving kasi ang daming hate, ang daming negativity,” sey ni Aiah.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.