Alex ibinandera ‘fave memory’ bago ang medical procedure, netizens emosyonal
PHOTO: Instagram/@cathygonzaga
MARAMI ang naantig at na-touch sa latest social media post ni Alex Gonzaga na inilarawan niyang “favorite memory.”
Sa Instagram, makikita ang isang video kung saan naka-confine si Alex at tawa nang tawa habang nakahiga sa hospital bed.
‘Yun pala ay kwelang nagsasayaw si Mikee Morada sa harap niya upang mapatawa siya bago ang isang medical procedure.
Makikita rin sa video na very sweet ang mag-asawa.
Saad sa video ng TV host-actress: “My favorite memory is when my husband made sure I was happy before my medical procedure.”
Baka Bet Mo: JC de Vera na-offend sa ginawa ni Alex Gonzaga: Nagulat talaga ‘ko!
Dahil diyan ay lubos din pinasalamatan ni Alex ang kanyang mister.
Caption niya sa post, “Thank you @mikee_mo [red heart emoji].”
View this post on Instagram
As of this writing, isang araw pa lang uploaded ang nasabing video at umaani na ito ng mahigit 252,000 likes.
Bukod diyan, maraming netizens ang nagpaabot ng kanilang suporta sa mag-asawa.
Narito ang ilan sa mga nabasa namin:
“In God’s perfect time, kayo naman ang magkaka baby. In Jesus Name!”
“Nag-iisa ka Mikee. The Lord sees everything [red heart emojis].”
“Sending hugs [red heart emoji] In God’s Perfect time ipagkakaloob din sainyo napakabuti ng puso niyo ni mikee [red heart emoji].”
“Hoping sa susunod na pregnancy journey nyo successful na, baby dust po sa inyo, In Jesus Name!!!! [white heart, heart hands emojis].”
“Grabe pinapanood ko lang yung interview ni Mikee pero grabe hagugol ko, sobrang strong and napaka positive niyong dalawa. Marami kaming pinagdadasal kayo palagi [red heart, folded hands emojis].”
Kamakailan lang, ibinunyag ni Mikee na nakunan muli sa ikatlong pagkakataon ang kanyang misis bago pumasok ang 2025.
Ayon kay Mikee sa interview sa kanya ni Toni Gonzaga na napapanood sa YouTube channel niyang “Toni Talks”, “To be honest, kami ni Catherine (Alex), noong nalaman namin na pregnant siya, hindi namin talaga akalain, wala kaming plano.”
Sabi pa ni Mikee, “At the end of the day, kahit anong mangyayari, biyayaan man tayo o hindi, kahit tayong dalawa lang magkasama, okay lang.”
“Every experience makes our relationship stronger. Kung iisipin ko noong 2019, para lang kaming nagbabahay-bahayan, but now we’ve been through so much together,” dagdag pa ng mister ni Alex.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.