Wish ng ex-business partner ni Ken Chan: Lumabas ka na
NAGPAABOT ng kanyang birthday wish ang TV host-model na si Mark Wei para sa kanyang dating business partner at Kapuso actor na si Ken Chan.
Sa kanyang Instagram story ay ibinahagi niya ang larawan nila ng Kapuso actor kasama ang isa pang lalaki.
“Happy Birthday,” panimulang bati nito kay Ken.
Kasunod nito ay ang kanyang birthday wish para sa binata.
Baka Bet Mo: Ken Chan mas lalo lang nadiin sa kaso dahil sa pagpo-post sa socmed
Mensahe niya kay Ken, “Ang wish ko for your birthday, ay sana lumabas ka na at sabihin mo na ang totoo para sa peace of mind ng lahat. Para matapos na ‘to.
“You can run for now, but you can’t hide forever.”
Matatandaang nahaharap ngayon si Ken sa kasong syndicated estafa dahil sa reklamo sa kanya ng mga investors.
Ito ay matapos malugi ang kanyang Christmas-themed restaurant at kalaunan ay nagsara na.
Sa ngayon ay hindi pa rin mahagilap si Ken sa kabila ng mga warrant of arrest na inilabas para arestuhin siya.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.