BINI Maloi pumalag sa chikang may relasyon sila ni Rico Blanco
PINALAGAN ng isa sa mga miyembro nation’s P-pop girl group na BINI na si Maloi Ricalde ang mga kumakalat na chikang may namamagitan sa kanila ng singer-songwriter na si Rico Blanco.
Trending kasi ngayon sa social media ang larawan ng dalawa habang nasa La Union kung saan makikitang magkatabi sila at tila papatawid sa kalsada.
Bukod pa rito, may mga larawan ring ibinahagi ang mga miyembro ng Ben & Ben na sina Pat at Agnes kung saan makikitang kasama nila sina Rico at Maloi pati ang iba pa nilang mga kaibigan.
Agad ngang umani ng samu’t saring komento mula sa madlang pipol na nagbigay ng malisya sa pagkakasama ng dalawa.
Baka Bet Mo: BINI Maloi patuloy pa rin ang pag-uukay kahit sikat na
View this post on Instagram
“Maloi, Rico spotted in La Union? May something ba?” saad ng isang netizen.
Comment naman ng isa, “Huuuuuy, is this a new song collaboration? Can’t wait!”
“Rico huwag si Maloi, my lucky heart. Di pa ako ready mag-move on,” sey naman ng isa pa.
Ngunit tinapos na agad ng dalaga ang kumakalat na chika at pinabulaanan ang chikang may relasyon silang dalawa.
“STOP SPREADING FAKE NEWS. PLS LANG,” saad ni Maloi kalakip ang screenshot ng headline ng isang news site.
Maging ang mga fans nito ay nagreklamo at sinabing dapat raw ay mag-sorry ang writer ng article sa dalawa dahil sa mali nitong ibinalita.
Sa ngayon ay wala pa namang komento si Rico hinggil sa chikang nili-link siya kay Maloi.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.