Cedrick Juan ibinandera relasyon kay Kate Alejandrino: Mahal na mahal kita
Kate Alejandrino at Cedrick Juan
IBINANDERA ng “GomBurZa” actor na si Cedrick Juan ang wagas na pagmamahal niya sa movie and TV actress na si Kate Alejandrino.
Sa pagpasok ng taong 2025, kinumpirma na nga ni Cedrick sa madlang pipol ang relasyon nila ni Kate sa pamamagitan ng isang madamdaming post sa social media.
Ibinahagi ng aktor sa Instagram ang mga sweet photos nila ni Kate nitong unang araw ng Bagong Taon kalakip ang kanyang mensahe para sa aktres.
“Bago matapos ang unang araw ng taon na ito, gusto ko lang magpasalamat sayo,” ang simulang caption ni Cedrick.
Patuloy pa niya, “Sa mga bagay na itinuturo mo sa akin araw-araw, kung paano maging sigurado sa bawat desisyon na kailangan gawin sa buhay.
Baka Bet Mo: Cedrick Juan super cry nang manalong best actor sa MMFF 2023; may panawagan
“Dahil ang desisyon na sigurado, sadya at pinagisipan ay magdudulot ng mas malinaw na resulta na siyang makakatulong sa mas matibay na kinabukasan,” sey pa ng binata.
Nagpasalamat din siya kay Kate sa patuloy nitong pagmamahal at pagsuporta sa kanya mula noon hanggang ngayon.
View this post on Instagram
“Maraming salamat sa klase ng pagmamahal na binibigay mo. Bago ito sa akin, Pero sapat ang rason ng bawat argumento, tamang pakikinig at gawa para yakapin ang pagbabagong idinudulot nito sa araw-araw nating pinagsasamahan.
“Hiling ko ang mas malalim pa na pagkilala, tiwala at pagpili sa isa’t isa araw-araw. Salamat aking katuwang sa buhay. Mahal na mahal kita Kaitin!” ang buong mensahe ni Cedrick para sa pinakamamahal niyang karelasyon.
Binati naman sila ng mga netizens kabilang na ang mga kaibigan nilang celebrities tulad nina Via Antonio, Princess Kristha Singh, Kych Minemoto, Adrienne Vergara at Kapuso Primetime King Dingdong Dantes.
Kasama si Cedrick Juan sa Metro Manila Film Festival 2024 entry na “The Kingdom” starring Vic Sotto and Piolo Pascual.
Nanalo naman siyang Best Actor sa MMFF 2023 para sa natatangi niyang performance sa historical film na “GomBurZa.”
Napanood naman si Kate Alejandrino sa stage play na “Anino sa Likod ng Buwan” kasama ang Kapuso actor na si Martin del Rosario. Kasama rin siya sa pelikulang “Mujigae” na pinagbidahan ng Korean actor na si Kim Ji-soo.
Isa rin siya sa cast members ng Kapamilya series na “Lavender Fields” kung saan gumanap siyang lover ni Edu Manzano.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.