Miriam Quiambao ipinagpalit ng dating Italian husband sa Brazilian model
Miriam Quiambao at Ardy Roberto
WASAK na wasak ang puso at pagkatao ng TV host-actress at dating beauty queen na si Miriam Quiambao noong maghiwalay sila ng dating asawang Italyano.
Binalikan ni Miriam ang ginawang panloloko at pagtataksil sa kanya ng unang asawang si Claudio Rondinelli at inamin niyang hindi naging madali para sa kanya ang maka-move on mula sa kanilang breakup.
Sa panayam ng “Fast Talk with Boy Abunda” sa kanya nitong nagdaang Biyernes, November 29, ibinahagi nga ng ating Miss Universe 1999 1st Runner-up kung gaano katindi ang pinagdaanan niya sa pakikipagrelasyon kay Claudio.
“And so, as you probably heard in my past, I met this Italian, he pursued me, he proposed and of course, he was like my dream man.
Baka Bet Mo: Miriam Quiambao isinilang na ang kanyang miracle baby sa edad 46: Thank you for your prayers!
“So I said yes and he swept me off my feet. We got married in Boracay, I left everything and moved to Hong Kong,” ang pahayag ni Miriam.
Pagpapatuloy pa niya, “After two and a half years, I found myself heartbroken. He fell in love with a much younger Brazilian model.”
Sundot na tanong ni Tito Boy sa dating “Extra Challenge” host, “Noong araw na na-realize mo that you were betrayed, ano ‘yung unang reaksyon mo?”
View this post on Instagram
Tugon ni Miriam, “Siyempre, galit, betrayal. Parang rejection. ‘Teka, iniwan ko ang lahat para sa’yo tapos ipagpapalit mo ‘ko sa mas bata? Ano’ng mabibigay niya sa ‘yo?’”
Wala na raw naganap na confrontation sa pagitan ng dating mag-asawa dahil nang tanungin daw niya ang nakahiwalay na asawa kung may iba na siyang mahal ay agad naman itong umamin.
“Sabi ko, ‘Sige, whatever makes you happy.’ Also because during that time, ‘yung relationship namin, hindi niya naiintindihan na I was in search of meaning.
“I was in search of fulfillment in life, meaning that I couldn’t even see in our marriage,” sey pa ni Miriam.
“I felt like if I kept on, if I stayed within that marriage, I was gonna get sick and I was gonna die,” dagdag ng former beauty queen.
In fairness, sinubukan pa rin daw niyang ipaglaban ang kanyang karapatan bilang legal wife, “Sabi ko, ‘Ayokong iwan ang relationship na ito kasi ako ang legal wife at gusto kong ipaglaban pero dahil sobrang sakit nito, kailangan ko ng support ng parents ko kaya ako umuwi, pero ayaw na niya akong pabalikin.”
Sa ngayon ay super happy na si Miriam sa piling ng kanyang asawang si Eduardo “Ardy” Roberto, Jr.. Ipinagdiwang na nila ang kanilang 10th wedding anniversary kamakailan.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.