Paul ibinuking ni Mikee, nagselos kay Kelvin: OMG! Magagalit ‘yun!
Kelvin Miranda, Mikee Quintos at Paul Salas
KAHIT alam niyang magagalit ang kanyang boyfriend na si Paul Salas, ibinuking pa rin ni Mikee Quintos kung sinong aktor na pinagselosan nito.
Game na sumabak ang Kapuso actress at TV host na rin ngayon sa nakaraang episode ng “Fast Talk with Boy Abunda” para sa “Talk or Taste”.
Nabanggit ni Tito Boy ang ginawang rebelasyon noon ng Kapuso actor na si Kelvin Miranda na totoong na-inlove siy kay Mikee noong magtambal sila sa 2021 series na “The Lost Recipe”.
Baka Bet Mo: Jodi ipinasilip ang ‘look test’ nila ni Jericho: ‘Kinakabahan pa rin ako!’
Kasunod nga nito, diretsahang inusisa ng King of Talk si Mikee kung nagkaroon din ba siya ng feelings para kay Kelvin noong mga panahong yun.
View this post on Instagram
Pero hindi ito sinagot ni Mikee at sa halip mas pinili na lang niya ang dare na kumain ng mata ng isdang salmon.
Pagkatapos nito ay tinanong naman si Mikee kung sinu-sino ang mga artistang pinagselosan ni Paul. At dahil ayaw niyang uminom ng Barley, sumagot na lang si Mikee.
“Eh, ‘di ‘yung minention n’yo before this question,” ani Mikee na ang tinutukoy nga at si Kelvin Miranda.
“Sorry babe, I love you! Don’t be mad! Oh my gosh, magagalit ‘yun!” ang natatawang sey ni Mikee kay Paul.
In fairness, solid na solid pa rin naman hanggang ngayon ang relasyon nina Mikee at Paul, na kamakailan lamang ay nagdiwang na ng kanilang 3rd anniversary as couple.
* * *
Hubaran na ng maskara! Sunod-sunod na ang kapanapanabik na eksena na dapat abangan sa “Lavender Fields” dahil sa kaliwa’t kanang sikretong mabubunyag sa bagong kabanata nito. Labis ding pinag-usapan sa social media ang inilabas nitong trailer noong Miyerkules (Nobyembre 6).
Sa ipinasilip na trailer, mukhang magsisimula na nga sina Lavender (Jodi Sta. Maria), Zandro (Albert Martinez), at Aster (Maricel Soriano) sa pagsiwalat ng baho nina Vito (Edu Manzano) at Iris (Janine Gutierrez).
Mas malalaman din ni Lavender kung paano nga siya pinaikot lamang ni Tyrone (Jericho Rosales).
View this post on Instagram
Ngunit magiging komplikado ang kanilang binabalak dahil malalaman ng kampo nina Iris na mukhang may ibang binabalak sina Lavender sa kanila. Mas titindi pa ang kanilang suspetya ng makita rin nilang tinutulungan ni Zandro sina Lavender.
Dapat din huwag palampasin ang pagkabunyag ni Iris na iisa lamang sina Jasmin at Lavender. Abangan kung paano lalaban sina Lavender at Aster sa pamilya nila Iris at kung may pag-asa pa si Lavender makasama ang anak na si Camilla.
Simula nang umere ang serye noong Setyembre ay hindi na naalis ang programa sa listahan ng most watched shows ng Netflix Philippines habang patuloy pa rin nangunguna ito sa iWantTFC.
Abangan ang mga pasabog na eksena sa bagong kabanata ng “Lavender Fields” tuwing weeknights simula 9:30 p.m. sa Kapamilya Channel.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.