Jake Cuenca isinusumpa na ang alak: Hindi na ako iinom ever!
Baron Geisler at Jake Cuenca
TULUYAN nang tinalikuran ng Kapamilya actor na si Jake Cuenca ang pag-inom ng alak at paglalasing lalo na kung inaatake ng matinding depresyon.
Aminado si Jake na matindi rin ang naging struggle niya pagdating sa isyu ng paglaklak ng alak, lalo na noong kabataan niya.
Pero salamat daw sa Diyos at tapos na ang madilim na yugto na yun ng kanyang buhay kung saan talagang nilulunod niya ang sarili sa alak sa panahon ng kalungkutan at problema.
“Parang I think, sabi ko, this time around, parang I was able to really put that behind me na. Yung I can confidently say now na hindi na ako iinom ever tfor the rest of my life.
Baka Bet Mo: Maricel naranasang hindi kumain: Iinom ka ng tubig tapos iiyak ka na lang
“And then parang, because parang of the outcome, di ba?” ang pahayag ni Jake nang makachikahan ng mga opisyal at miyembro ng Society of Philippine Entertainment Editors (SPEEd), kabilang ang BANDERA.
“Because of kumbaga moving on and making those decisions, nakita mo all these great things happen in your life.
View this post on Instagram
“So parang nandu’n na ako sa this is the right path. This is the right decision. It might not be the easiest kasi siyempre you have to keep quiet and behaved, di ba?
“Be patient. Hindi siya madali minsan pero you just have to trust the process. Trust God na ito iyung tamang path,” aniya pa.
Sa bagong movie ni Jake na “The Delivery Guy” na mapapanood sa Netflix, ay kasama niya si Baron Geisler na isa ring self-confessed alcoholic na nagbagong-buhay na rin tulad niya.
Ani Jake, napag-usapan nila ni Baron ang tungkol sa pagkagumon sa alak, “Yeah, actually…well ako naman, with yung journey ni Baron with his sobriety, I wish him all the best.
“Like, good luck and Godspeed! Alam ko kung gaano kahirap yun, and I don’t fault people for making mistakes kasi, if you fall off or merong mangyari sa yo.
“Kasi I can tell you now, e. Na quitting alcohol was the most difficult thing I ever had to do. Talagang ang hirap! It’s hard and then you go through a problem and then you wanna drink din, alam mo yun.
“And then you have to really parang go through obstacles to confidently say na, ‘OK, hindi na ako iinom.’ I’ve put in so many years na I can confidently say, ‘Hindi na ako iinom.’ But like a year is not even enough to say that.
View this post on Instagram
“Parang two years you’re just getting the confidence to say it. On the third year mo masasabi na, ‘Okay, I can live without ever drinking again.’
“So kay Baron, it’s a long road ahead. And for whatever his accomplishments, sobriety, congratulations and Godspeed! And good luck, mahirap talaga siya,” lahad ni Jake.
Matatandaang nagkasama sina Jake at Baron sa Kapamilya series na “The Iron Heart” na pinagbidahan din ni Richard Gutierrez.
Samantala, pak na pak daw Christmas season ang “The Delivery Guy”, “Yeah, I hope na actually, kung maging Christmas offering ito, perfect!
“Talaga if you ask me, may mga narinig ako, e. They don’t wanna discuss pa the final date pero napanood ko na yung main picture. We had to dub it. Napanood ko yung movie. My God! Nakaka-proud yung pelikula!
“Sabi ko naman, lagi kong bubuhatin ang bangko ng Iron Heart. My directors there… they’re the best. Even itong susunod nilang show, Incognito with Richard, Baron, and all of them, good luck and Godspeed sa show nila!
“And I’m so sure it’s gonna be a great show. Kasi those directors for me are the best.
“So exciting itong movie namin ni Baron. And sabi ko nga, at least, pag nakita ng tao itong movie na ito, magtataka ka talaga kung sino yung kontrabida sa pelikula namin. Kasi sobrang intense nung movie,” lahad pa ni Jake na gaganap na bossing ng mafia sa naturang Netflix movie.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.