Alden talbog pa ang pagiging boyfriend kung alagaan si Kathryn
Kathryn Bernardo at Alden Richards
PURING-PURI ng kanyang mga kasamahan sa trabaho ang Asia’s Multimedia Star na si Alden Richards dahil sa pag-aalaga at pag-aasikaso nito kay Kathryn Bernardo.
Saksi ang mga naka-work ni Alden sa pelikulang “Hello, Love, Again” kung paano niya inalagaan ang kanyang leading lady nang mag-shooting sila nang ilang linggo sa Canada.
In fairness, daig pa nga raw ng binata ang pagiging boyfriend kung asikasuhin niya si Kathryn kaya naman tuwang-tuwa at bilib na bilib sa kanya ang kanilang co-stars at production staff.
Pati nga ang veteran entertainment columnist at online host na si Nanay Cristy Fermin ay saludo sa pagiging maginoo ng Kapuso superstar.
Baka Bet Mo: Sharon puring-puri si Julia Montes: Siya ang nakita kong pinakapareho ko sa tunay na buhay
Sa nakaraang episode ng “Cristy Ferminute”, nabanggit ni Nanay Cristy na talaga namang gentleman si Alden mula pa noon, kaya puring-puri niya ito nang malaman kung paano niya tratuhin si Kath nang mag-shoot sila sa Canada.
“Alam mo, natutuwa ako. ‘Yung pagiging maginoo niya, aba, kasama na pala siya doon sa mga pinapansin ngayon na nagbibitbit din ng kagamitan ni Kathryn Bernardo,” pahayag ng beteranang manunulata at radio-TV host.
View this post on Instagram
“Pero si Joross (Gamboa, co-star ng KathDen sa HLA) ang nagkuwento nito. Wala raw siyang nakikita na anumang kaplastikan sa dalawa.
“Nakikita niya, tinutulungan ni Alden sa mga kagamitan. Kaya napakamaginoo,” sey pa ni Nanay Cristy.
Sabi naman ng co-host niyang si Romel Chika, may nakita rin daw siyang mga litrato kung saan hawak-hawak ni Alden ang food ni Kathryn habang nasa shooting ng “Hello, Love, Again” sa Canada.
Isa raw itong patunay kung paano itrato ng award-winning Kapuso actor si Kath sa gitna ng mga chikang nagkakamabutihan na nga ang dalawa. Pero hanggang ngayon ay hindi pa rin nagsasalita ang KathDen tungkol sa tunay na estado ng kanilang relasyon.
Samantala, naglabas na ng bagong teaser ang Star Cinema para sa “Hello, Love, Again” sa social media kung saan ipinakita ang muling pagkikita ng mga karakter nina Alden at Kathryn na sina Ethan and Joy.
“Soon, we will come home to the ones we love. … We’ve barely said our hellos yet, but we can feel your overwhelming support already. Thank you so much!” ang nakalagay sa caption ng Star Cinema.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.