Chloe San Jose hindi rin daw kasundo ang inang si Marie, true kaya?

Chloe San Jose and mother Marie

NAGSALITA na ang biological mother ni Chloe San Jose sa gitna ng maingay na hidwaan ng content creator at pamilyang Yulo.

Kamakailan lang, nagkaroon ng exclusive interview sa isang media website ang ina ni Chloe na si Marie sa pamamagitan ng kanyang legal counsel at spokesperson na si Atty. James Mark Padrones Ciudadano.

At diyan ay isa-isang nilinaw ang ilan sa mga kumakalat na isyu bilang nadadamay na rin mismo ang nanay ng vlogger, pati na rin ang mga kapatid nito sa ina.

Ayon sa lawyer, hiwalay ang mga magulang ni Chloe na kung saan ay may kanya-kanya na itong pamilya.

Kasunod niyan ay itinanggi ni Marie ang chikang isa siyang labandera at nakakulong.

Ayon sa kanya, siya ay isang Australian citizen na nagtatrabaho sa Aged Care Services.

Baka Bet Mo: Carlos, Andrea bagay daw, Chloe barag na naman: Patay kang bata ka!

Kinumpirma rin ng legal counsel na hindi naging maganda ang relasyon ni Chloe sa kanyang ina.

“It is true, even before Carlos and Chloe met, my client [Marie] and Chloe already were having a difficult relationship due to the difference of ideas regarding parenting over the then minor Chloe,” sey ni Atty. James sa panayam.

Kwento niya, “The gap started as I said Chloe was a minor then, a few years before reaching 18 years old, she was insisting on her way, and my client retaining her Filipino values, being a protective mother and having the best interest of Chloe in mind, did not agree, consequently the frequent clash of ideas led to the gap.”

Kahit daw nagkasamaan ng loob ang dalawa ay hindi naman daw ito humantong sa demandahan.

“Regarding the alleged case filed by Chloe against my client is not true, Chloe did not file any case against my client,” sambit ng lawyer.

Nang tanungin naman siya kung ano ang reaksyon ni Marie kaugnay sa isyu sa pamilyang Yulo, lalo na si ina ng two-time Olympic champion na si Carlos.

“Marie, her mother, for the longest time decided to keep quiet to keep the peace and not be dragged into the issues, however due to the multitude of posts that contain misinformation and images of her minor children being posted online without her consent, has deeply troubled and affected her and her family emotionally,” wika ng spokesperson ng ina ng content creator.

Patuloy pa, “We cannot comment on the matter since Chloe was already an adult during that time, and it is between Chloe and the family of Carlos Yulo, and since as mentioned above, my client had limited interaction with Chloe this past few years.”

Binasag na rin ni Marie ang kumakalat na chikang may anak si Chloe sa ibang lalaki.

“Chloe does not have a baby as far as we know, and the picture that is spreading stating that it is Chloe’s alleged baby, is actually her younger brother,” paliwanag ng legal counsel sa exclusive interview.

Kung maaalala, sinagot mismo ni Chloe ang isang basher na nagsabing may anak na siya.

Ang sagot sa kanya ng GF ni Carlos, “Bigyan kita ng award pag nahanap mo yung anak ko na sinasabi mo.”