Bagong cast ng live-action adaptation na ‘One Piece’ ibinandera na
PHOTO: Instagram/@inakigo
EXCITING ang bagong update para sa live-action adaptation ng sikat na manga at anime series na “One Piece.”
Ibinunyag ng Netflix na sinimulan na nila ang production ng upcoming second season nito na ginaganap sa Cape Town, South Africa.
Inaasahan din na mapapanood ang kaabang-abang na serye sa taong 2025.
Bukod diyan, ibinandera na rin ng streaming service ang pinakabagong cast members ng bagong kabanata!
Kabilang na riyan sina Katey Sagal bilang “Dr. Kureha,” Mark Harelik as “Dr. Hiriluk,” Sendhil Ramamurthy na gaganap bilang si “Nefertari Cobra” at Charithra Chandran na bibida bilang si “Miss Wednesday.”
Baka Bet Mo: ‘Barbie’ movie gumawa ng kasaysayan, humakot ng $1-B sa takilya
PHOTO: Courtesy of Netflix
PHOTO: Courtesy of Netflix
PHOTO: Courtesy of Netflix
PHOTO: Courtesy of Netflix
Magugunitang nauna nang ni-reveal ang new cast members na sina Brendan Sean Murray as “Brogy,” Callum Kerr as “Smoker,” Camrus Johnson as “Mr. 5,” Clive Russell as “Crocus,” Daniel Lasker as “Mr. 9,” David Dastmalchian as “Mr. 3,” Jazzara Jaslyn as “Miss Valentine,” Julia Rehwald as “Tashigi,” Rob Colletti as “Wapol,” Ty Keogh as “Dalton,” at Werner Coetser as “Dorry.”
Habang ang returning cast members naman ay sina Iñaki Godoy as “Monkey D. Luffy,” Mackenyu as “Zoro,” Emily Rudd as “Nami,” Jacob Romero as “Usopp,” Taz Skylar as “Sanji,” Ilia Isorelys Paulino as “Alvida,” Jeff Ward as “Buggy,” at Michael Dorman as “Gol D Roger.”
Para sa mga hindi aware, ang “One Piece” ay hango sa highest-selling manga series ni Eiichiro Oda na may parehong titulo.
Tungkol ito sa legendary high-seas adventure ni Monkey D. Luffy, isang young adventurer, na nais matupad ang pangarap na maging “King of the Pirates.”
“Luffy sets off from his small village on a perilous journey to find the legendary fabled treasure, ONE PIECE, to become King of the Pirates! But in order to find the ultimate prize, Luffy will need to assemble the crew he’s always wanted before finding a ship to sail, searching every inch of the vast seas, outpacing the Marines, and outwitting dangerous rivals at every turn,” saad sa kung ano ang takbo ng kwento nito.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.