Reunion movie nina Joshua at Julia mapangahas, nakakatakam, spicy!
Joshua Garcia at Julia Barretto
WALANG naging isyu at hindi nahirapan ang direktor na si Petersen Vargas habang ginagawa ang latest movie niyang “Un/happy For You”.
Ito ang magsisilbing reunion movie ng dating magdyowa na sina Joshua Garcia at Julia Barretto at bagong collaboration ng Star Cinema at Viva Films.
Excited na si Direk Petersen na mapanood ng JoshLia fans ang muling pagtatambal sa movie nina Joshua Julia na showing na sa mga sinehan nationwide sa darating na August 14.
Baka Bet Mo: Gerald walang selos sa balikang JoshLia: Marami silang mapapasayang fans
“Tina-track namin dito sa movie kung paano magmahal ‘yung generation ngayon. Gusto rin natin ipakita kung paano sila masaktan,” ang patikim ni Direk sa tema at kuwento ng “Un/happy For You” sa naganap na grand presscon para sa pelikula
View this post on Instagram
“I think we Filipinos like to mirror that in the cinematic experience. Nagbuo lang kami ng pelikula na ang real nung sakit. I think it feels so fresh and current,” dagdag pa niya.
Paglalarawan niya sa pag-atake ng kanyang lead stars sa kanilang mga role, “I watched their films. Masaya sila panoorin.
“Pero alam mong if you go to that real and painful dramatic route, mapu-push pa natin sila. I was really excited to push that dramatic journey with them.
“Sometimes I give them space because they seem to have this very intimate personal way of making their scenes. They were so generous for sharing themselves,” aniya pa.
Baka Bet Mo: Fans nina Joshua at Julia ‘di bumitaw: Grabe rin yung pinagdaanan nila!
Kinunan ang kabuuan ng pelikula sa Bicol kaya naitanong din sa direktor kung ano ang kahalagahan ng naturang probinsya sa pelikula.
“Hindi naman ako Bicolano, but it was actually an idea that I worked with our writers. Kasi part of the journey is medyo mapangahas at may nakakatakam na element ‘yung reunion ng exes sa story.
“And we felt na Naga is a city that is filled with a lot of spiciness, so we wanted them to also embrace that flame. Meron din siyang flavor na ganoon,” esplika pa niya.
At kasunod nga nito, sinabi ni Direk na napaka-smooth shooting nila sa Bicol, at never naging pasaway ang JoshLia sa set.
View this post on Instagram
“It was really a fun set. I think they were all very generous with each other and I think kasi lini-lead nila Josh and Julia yun. I think yung generosity comes from how everyone sees them together.
“I think there’s this really beautiful energy, this aura, when they’re together. And there’s magic, I also believe,” aniya pa.
Ka-join din sa “Un/Happy For You” sina Kaila Estrada, Aljon Mendoza, Ketchup Eusebio, John Lapus, Nonie Buencamino, Ana Abad Santos, Meann Espinosa, Victor Silayan, Bianca De Vera, at Bong Gonzales.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.