Win Metawin magpapakilig sa coronation ng Miss Universe PH 2024
PHOTO: Instagram/@winmetawin
PASABOG ang latest guest performer ng Miss Universe Philippines para sa inaabangang coronation day.
Nakatakdang magtanghal at magpakilig sa stage ang Thai celebrity na si Win Metawin!
Ang exciting news ay ibinandera mismo ng MUPH Organization sa social media.
“Global Celebrity and Thai Superstar WIN METAWIN will perform at The Coronation of Miss Universe Philippines 2024. Pilipinas, excited na ba kayo?” sey sa anunsyo.
Baka Bet Mo: Lovi, Juday napatunayan ang pagiging ‘Ultimate Leading Man’ ni Piolo: Talagang magaling siyang magpakilig, grabe!
View this post on Instagram
Maliban kay Win, magpe-perform din ang sikat na drag queen na si Marina Summers at OPM band na Lola Amour.
Mga bigatin din ang mga napiling hosts para sa event, kabilang na riyan sina Alden Richards, Gabbi Garcia, Tim Yap, Miss Universe 2022 R’Bonney Gabriel, at Emmy-winning host Jeannie Mai.
Magaganap ang pageant’s coronation sa darating na May 22 sa SM Mall of Asia Arena.
Samantala, si Win ay tila naging suki na sa ating bansa dahil na rin sa sunod-sunod na mall tours upang i-promote ang kanyang pelikula na “Under the Parallel Skies” na katambal ang aktres na si Janella Salvador.
Sa isang interview, inamin ng Thai actor na enjoy na enjoy siyang makatrabaho ang mga Pinoy.
“It was a great experience for me, and I think the Filipino team is very professional and very easy to work with,” sey niya.
Dagdag pa niya, “I think the culture is very similar to Thai culture and Filipino culture, so I don’t have to adapt anything; we got along very well.”
Lubos din ang pasasalamat ng Thai celebrity dahil sa pagiging supportive ng Pinoy fans.
“You know every time I come back here, you know I always get the energy from you guys. Thank you for always supporting me,” saad niya.
Kilala si Win sa mga pinagbibidahan Thai series na “2gether” at Thai adaptation ng “Boys over Flowers.”
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.