Janella Salvador, Win Metawin magsasama sa isang pelikula; fans super excited na
LABIS ang nadaramang excitement ng mga supporters ni Janella Salvador sa bagong project nitong paparating kasama ang Thai superstar na si Win Metawin.
Base sa isang video na ipinost sa Instagram ng 28 Squared Studios, isang production company na pagmamay-ari ni Richard Juan, ay masayang ibinahagi ng dalawa ang pagbibidahang pelikula.
“Under Parallel Skies” ang titulo ng upcoming film nina Janella at Win sa direksyon ni Sigrid Bernardo.
“We are so excited to announce to you guys that we will be teaming up for the upcoming movie ‘Under Parallel Skies’,” pagbabahagi ni Win.
Matatandaang si Win ay sumikat sa buong mundo matapos mag-hit ang kanilang Thai BL series na “2gether: The Series” noong 2020. Naging parte rin ito ng Thai adaptation ng “Boys Over Flowers” noong 2021.
Si Janella naman ay isa sa mga kilalang aktres sa Philippine showbiz industry na naging parte ng iba’t ibang serye gaya ng “Please Be Careful With My Heart”, “Wildflower”, “The Killer Bride”, at ang latest nga niyang project ay ang “Darna” kung saan gumanap siya bilang Valentina.
View this post on Instagram
Samantala, ibinahagi na rin ng aktres ang larawan nilang magkasama ni Win sa pamamagitan ng isang Instagram post.
“Yup, hou heard it right. Now filming. Hi, @winmetawin!” caption ni Janella.
Marami naman sa mga fans at supporters ng aktres ang talagang excited st looking forward sa pelikula ng dalawa.
“janella you’re so beautiful win so handsome can’t wait to see this flim I’m so excited,” saad ng isang netizen.
Comment naman ng isa, “Omg this is going to be an amazing project perfect collaboration.”
“Si Janella ang babaeng pinagpala,” hirit pa ng isa.
Dagdag pa ng isa, “totoo pala na nakakapang hina ang selos huhu!!”
Ang “Under Parallel Skies” ang kauna-unahang international movie nina Win Metawin at Janella Salvador.
Related Chika:
Janella aminadong hirap pagsabayin ang career at pagiging single mother, pero tuloy ang pagdating ng swerte sa buhay
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.