Ivana Alawi may pa-cryptic post tungkol sa ‘false accusation’

ITO nga ba ang sagot ng Kapamilya actress na si Ivana Alawi sa mga akusasyong ibinabato sa kanya sa pagkaka-link sa isang politiko?

Kamakailan kasi ay nauugnay ang pangalan nito sa TV and film producer at kasalukuyang alkalde ng Bacolod City Mayor na si Albee Benitez.

May mga lumabas kasing chika na spotted sina Ivana at Mayor Albee na magkasama sa Japan.

Sa katunayan, natalakay rin nina Ogie Diaz at Mama Loi ang isyung ito sa kanilang “Showbiz Update” vlog.

Kaya naman palaisipan sa mga netizens kung ang recent IG post at IG story nito ang sagot sa isyung ibinabato laban sa kanya.

“A Clear Conscience Laughs at a False Accusation,” saad sa IG story ni Ivana.

Bukod pa rito, nag-post rin siya ng larawan na may caption na “I can buy myself flowers.”

Baka Bet Mo: Ivana Alawi natsitsismis kay Mayor Albee Benitez, may relasyon ba?

 

View this post on Instagram

 

A post shared by Bandera (@banderaphl)

Nauna nang kumakalat sa social media ang video at larawan kung saan makikitang magkasama ang dalawa na parehas pang nakasuot ng puti.

Samantala, nagsalita naman na si Mayor Albee hinggil sa isyu ng pagkaka-link niya kay Ivana.

“As for recent personal matters, I kindly request understanding and respect for privacy to shield all innocent parties involved. In my private capacity as a film and TV program producer, my professional interaction with various celebrities is inherent to the nature of the business.

“At this moment, my primary focus is on safeguarding the interests of Bacolod City,” saad ng alkalde.

Bago pa ang isyu ay matatandaang naging bukas si Ivana na may taong nagpapsaya ng kanyang puso at isa itong non-showbiz guy pero wala nang iba pang detalye ukol rito.

Bukas naman ang Bandera para sa pahayag, reaksyon o paglilinaw ng kampo ni Ivana hinggil sa mga isyung kasalukuyang ibinabato sa kanya.