Carla hindi takot makaharap muli si Tom: I don’t feel intimidated!
Tom Rodriguez at Carla Abellana
HINDI pala aware ang Kapuso actress na si Carla Abellana na nakabalik na ng Pilipinas ang ex-husband niyang si Tom Rodriguez.
Nitong nagdaang araw, nag-post ang manager na si Popoy Caritativo sa Instagram ng litrato nila ng kanyang talent na si Tom na kuha sa isang lugar sa Mandaluyong City.
Kaya naman nag-assume na ang mga netizens at ang mga tagasuporta ng Kapuso actor na nasa Pilipinas na uli ito makalipas ang dalawang taong pamamalagi sa Amerika.
Baka Bet Mo: Instagram account ni Tom Rodriguez ‘di na mahagilap, nag-deactivate nga ba?
Sa panayam ng GMA kay Carla, natanong nga siya kung ano ang magiging reaksyon niya sakaling magkita sila uli ng dating asawa?
View this post on Instagram
Sagot ng Kapuso actress, wala naman daw problema o isyu sa kanya kung magkrus muli ang kanilang landas at talagang inaasahan na rin niyang mangyayari ito dahil pareho silang nasa showbiz
“I didn’t even know ngayon ko lang nalaman (na nakauwi na si Tom). I don’t feel intimidated, scared, nervous. Wala namang ganoon,” sey ni Carla.
Aniya pa, “Of course artista siya may obligation siya. He’s a Kapuso, dadating naman talaga yung day na babalik siya sa trabaho.
Baka Bet Mo: Lolit nabigla sa akusasyon ni Carla kay Tom: Hope for the best na lang tayo para sa dalawa
“Hindi naman maiiwasan ‘yan. I’ve thought about it many times, expected naman ‘yan, nobody just knew when,” pagpapakatotoo ng aktres.
Dagdag pa ni Carla, “I think naman okay lang. Ready naman ako. Hindi naman ako yung type na ay ayoko or avoidance or what. Its inevitable ika nga.”
Samantala, nag-renew na ng kanyang kontrata si Carla sa GMA 7 kahapon, January 29, kaya natuldukan na finally ang tsismis na lilipat na raw siya sa ABS-CBN.
Present sa contract signing sina GMA Network Chairman Atty. Felipe L. Gozon, President and Chief Executive Officer Gilberto R. Duavit, Jr., Executive Vice President and Chief Financial Officer Felipe S. Yalong, Senior Vice President for Programming, Talent Management, Worldwide, and Support Group, GMA Films President Atty. Annette Gozon-Valdes, at Senior Vice President for Entertainment Group Lilybeth G. Rasonable.
Representing Triple A Management were its executives, Michael B. Tuviera, Jojo C. Oconer, and Jacqui L. Cara.
View this post on Instagram
“This is a very special day for me. Nakakataba ng puso. Ako ang dapat magpasalamat sa trust ninyong lahat and I will take good care of it.
“I will continue to grow and do my best sa pagiging artista at Kapuso. Ito na ‘yung araw na pinagdasal at hinintay ko. Aalagaan kong mabuti ang opportunity at bagong chapter na ito,” pahayag ni Carla.
Meanwhile, Atty. Gozon highlights the secret to Carla’s successful career, “Si Carla ay isa sa pinakamagaling, maganda, at popular na artista ngayon kaya kami ay nagagalak na pinili niyang mag-renew sa kanyang home network. Sigurado akong malayo pa ang mararating niya sa showbiz.”
Duavit also has nothing but good words for Carla, “It’s a source of great happiness and pride when we see homegrown talents evolve, and Carla is one of the finest examples of that. She is doing very well. Mahusay, napakabait, at napakagaan niyang katrabaho.”
Ayon naman kay Rasonable, “Marami pa tayong gagawing projects with Carla. Napakahusay niyang artista kaya dapat lang ipagpatuloy ang magagandang dramas with her. It is a busy year for Carla—from Stolen Life, tuloy kaagad siya sa Widows’ War.”
Napapanood ngayon si Carla sa high-rating GMA Afternoon Prime drama na “Stolen Life” at bibida rin siya sa upcoming murder mystery series na “Widows’ War” kasama si Bea Alonzo.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.