The Voice US alumna Ryan Gallagher pusong Pinoy, type maka-collab si Sarah
Ice Seguerra, Ryan Gallagher at Liza Dino
NA-MEET namin up close and personal ang international singer na si Ryan Gallagher na unang sumikat sa “The Voice” ng Amerika noong 2020.
Naging bahagi siya ng team ni Kelly Clarkson pero hindi pinalad na manalo. But obviously, hindi nga roon nagtapos ang kanyang singing career.
Gumawa ng sariling pangalan si Ryan sa US sa pamamagitan ng mga concert appearances at corporate shows. Ilan sa mga international stars na nakasama na niya sa iisang stage ay sina Carrie Underwood, Josh Groban, Lea Salonga, at Michael Bolton.
View this post on Instagram
Maraming beses na rin siyang nag-perform sa harap ng Filipino audience pero nagsimula talaga ang pagkakaroon niya ng pusong Pinoy noong 2013 nang maimbitahan siya sa birthday party ng kanyang kaibigan.
Ito ang naging daan upang magkaroon siya ng mga special at corporate shows sa iba’t ibang bahagi ng Pilipinas. Halos walong taon na raw siyang nagpapabalik-balik sa bansa.
Baka Bet Mo: Payo ni Lolit Solis kay Ryan Bang: ‘Huwag makipagsabayan kay Vice Ganda, umiwas sa gulo para hindi masuspinde’
“Since then, I don’t think I can count the number of times I’ve been back. Maybe 30 to 50 times and I just really fell in love with this country, its people, your musicality,” ang pahayag ni Ryan.
“So I became an adopted Filipino. That was 14 years ago. I was 21 years old, and I’m 35 now. Almost half of my life. I’m Pinoy…sa puso,” aniya.
In fairness, may ilang OPM hits ang kering-kering kantahin ni Ryan, kabilang na riyan ang “Kahit Isang Saglit” ni Martin Nievera. Nagpasampol pa siya sa harap ng entertainment press.
“I just love the way Filipino music sounds, especially the love songs. You don’t need to understand the lyrics but anyone who listens to it can immediately feel it,” sabi ng binata na payag ding pasukin ang pag-aartista dito sa Pilipinas.
View this post on Instagram
Nasa bansa ngayon si Ryan para i-promote ang kanyang Christmas song na may titulong “The Feeling of Christmas” na available na ngayon sa Apple Music at iba pang digital platforms.
Sey ni Ryan sa tema at mensahe ng “The Feeling of Christmas”, “I wanted to capture the feeling of Christmas for me. For me, it was all about the snow, the gifts, and the presence of family and loved ones.
“But then I thought, it’s Jesus’ birthday, and what did he do? The story of Christmas is about Him coming into the world to save us, right? So, I wanted to write something that was dear to my heart but also fun and upbeat,” sey pa ng binata.
Baka Bet Mo: Juday inaatake ng ‘sepanx’ sa pagbabalik ng face-to-face classes, personal na inihatid si Luna sa school
“The Feeling of Christmas” is part of a 16-song Christmas album na ni-record ni Ryan last year with a full orchestra in Nashville, Texas, and Los Angeles. Next year ito iri-release pero nagdesisyon ang team ni Ryan na i-launch na ang kanyang Christmas song ngayong holiday season.
Ang Fire & Ice Productions na pag-aari nina Ice Seguerra at Liza Diño ang tumutulong sa career ni Ryan dito sa Pilipinas. Kaya naman asahan na ang possible collaboration nina Ice at Ryan next year.
Bukod kay Ice, bet din ni Ryan na maka-collab ang ilan pa sa ating OPM icons, “I had a duet with Lea Salonga. I want to work with Lea again, and also Martin Nievera. Sarah G (Geronimo) also. I never sung with Sarah!”
Nakilala na rin daw niya ang wifey ni Matteo Guidicelli, “Yes, I met Sarah in Glendale (California). And also, I met Mark Bautista. And actually Mark just messaged me, ‘Hey I wanna sing this Christmas song with you’.
“And yeah, I met Sarah there, and she’s absolutely lovely. She’s amazing woman!” sey pa ni Ryan na knows din ang mga hit songs ni Sarah tulad ng “Ikot-Ikot” at “Tala”.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.