MTRCB sinuspinde ang 2 shows ng SMNI, kasama ang programa ni Duterte
PAGKATAPOS ng programang “It’s Showtime” ng Kapamilya network na sinuspinde ng Movie and Television Review and Classification Board (MTRCB) ay binigyan naman ng Preventive Suspension Order ang dalawang programa ng SMNI.
Pinatawan ng MTRCB ng Preventive Suspension Order ang dalawang programa ng SMNI na “Gikan Sa Masa, Para Sa Masa” at “Laban Kasama ang Bayan,” mula 18 Disyembre 2023. Ang desisyon ay bunga ng masusing pagsusuri at imbestigasyon hinggil sa paglabag sa Batas 1986. Gikan Sa Masa, Para Sa Masa – Episode ng 10 Oktubre 2023.
Nakatanggap ang MTRCB ng mga reklamo hinggil sa alegasyong umano’y death threats mula sa isang panauhin sa episode ng “Gikan Sa Masa, Para Sa Masa” noong 10 Oktubre. Matapos ang Preliminary Conference ng MTRCB noong 08 Nobyembre, nangako ang SMNI na magpre-record sila ng kanilang palabas at susuriin nilang mabuti ang kanilang mga episode bago ito magpalabas.
Ito’y matapos balaan ng Board ang SMNI na ang mga katulad na insidente ay bibigyan ng mas mabigat na kaparusahan. “Gikan Sa Masa, Para Sa Masa” Episode ng 15 Nobyembre 2023.
Noong 30 Nobyembre, ang Board ay nakatanggap ng reklamo hinggil sa umano’y death threats at pagmumura mula sa isang panauhin sa “Gikan Sa Masa, Para Sa Masa” ng SMNI.
Muling inilabas ng Board ang isang Notice para sa SMNI upang humarap sa Hearing and Adjudication Committee noong 07 Disyembre 2023, na dinaluhan ni Atty. Mark Tolentino ng SMNI. Laban Kasama ang Bayan – Episode ng 27 Nobyembre 2023 Noong 30 Nobyembre, ang Board ay nakatanggap ng reklamo hinggil sa hindi-beripikadong balita ng “Laban Kasama ang Bayan” patungkol sa umano’y paggastos ng PhP1.8 bilyon bilang travel funds ni House Speaker Martin Romualdez.
Kasunod ng ipinadalang Notice sa SMNI, nagkaroon ng Hearing and Adjudication Committee meeting noong 07 Disyembre 2023. Desisyon ng Board sa pagpataw ng Preventive Suspension Order Matapos ang maingat na pagsusuri ng Board sa samu’t saring reklamo na natanggap nito, natuklasan ng Board na ang ilang aspeto ng nabanggit na mga programa ay maaaring lumabag sa itinakdang pamantayan na itinakda ng Presidential Decree No. 1986 at ng Implementing Rules and Regulations (IRR) nito.
Upang mapigilan ang posibleng pag-ulit ng mga paglabag na maaaring magdulot ng negatibong epekto sa kapakanan ng publiko, ethical considerations, at pag-protekta sa pangkalahatang reputasyon ng industriya ng broadcasting, nagdesisyon ang Board na pansamantalang suspendihin ang dalawang programa sa bisa ng Section 3, Chapter XIII of the IRR of P.D. No. 1986.
Noong 13 Disyembre, unanimous ang naging boto ng Board sa pagpataw ng labing-apat na araw na preventive suspension sa “Laban Kasama ang Bayan” at majority vote naman para sa programang “Gikan Sa Masa, Para Sa Masa.” Ang dalawang desisyon ay ayon sa kapangyarihang iniatang sa MTRCB ng Presidential Decree No. 1986, na layong ilagay sa lugar ang mga programa sa telebisyon alinsunod sa makabagong kulturang Filipino. Legal Basis .
Binibigyang-diin ng MTRCB ang Seksyon 3(c) ng Presidential Decree No. 1986, na nagbibigay sa Board ng kapangyarihang aprubahan o disaprubahan ang mga programa sa telebisyon na maaaring maging hindi kanais-nais, kabilang na ang mga sumisira sa tiwala sa pamahalaan o mga awtoridad, at mga malisyoso o nakakasira ng reputasyon. Bukod dito, nakapaloob sa Section 3, Chapter XIII of the IRR of P.D. No. 1986 ang Chairman ng BOARD na maglabas ng Preventive Suspension Order upang pigilan ang mga karagdagang paglabag o protektahan ang interes at kapakanan ng publiko.
Ang desisyon ay sumusuporta sa ligal na pagsasanay na itinakda ng kasong Soriano v. Laguardia, et al., kung saan kinumpirma ng Korte Suprema ang awtoridad ng MTRCB na maglabas ng preventive suspension bilang bahagi ng kanyang mandato sa regulasyon at pangangasiwa.
Ang nasabing utos na preventive suspension ay isang aktibong hakbang na naglalayong solusyonan ang mga alalahanin at siguraduhin ang pagtalima sa pamantayan ng Board epektibo sa loob ng labing-apat (14) na araw, panahong inaasahan na tutugon at bibigyan solusyon ng SMNI ang mga natalakay na isyu.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.