Mikee Reyes matapos makaranas ng ‘tattoo discrimination’: ‘Does it make me a bad influence to the kids?’

PHOTO: Instagram/@mikee.reyes

USAP-USAPAN ngayon sa social media ang isang post ng Sports anchor na si Mikee Reyes o kilala din bilang “Tito Mikee” matapos makaranas ng “tattoo discrimination.”

Sa ibinanderang screenshot messages ni Mikee sa Facebook, mababasa na pumayag na sana siya sa imbitasyon ng kanyang kausap na dumalo sa isang family day event.

Ngunit kalaunan ay tinanggihan niya rin ito matapos siyang sabihan na magsuot ng long sleeves na damit upang takpan ang kanyang mga tattoo.

“Hi Mikee! Confirmed na…They’re asking lang if you’re okay to wear long sleeves to cover the tattoos? [happy face emoji],” sey ng kausap ng Sports anchor base sa screenshots.

Reply agad niya, “Hi! Sorry to hear. I’m not really comfortable with being asked to cover my tattoos to do my job.”

Baka Bet Mo: Maritoni Fernandez ibinandera ang pagpapaturok ng Dengvaxia sa Thailand matapos makaranas ng ‘hemorrhagic dengue’

“Sorry, I think I’ll have to pass on this. Hope to work with you soon! [happy face emoji],” ani pa niya.

Ang sagot naman sa kanya ng kanyang ka-text, “I understand po. Family day daw po and there will be a lot of kids kaya pinatanong lang po. But I’ll let them know po [happy face emoji].”

Kasabay niyan ay ang kanyang caption ng Sports anchor na, “I assume kilala niyo naman sino kinukuha niyo? [grinning face emojis]”

Ipinunto niya rin na sana raw ay sinabihan nalang siya kung ano ang dapat isuot dahil susunod naman daw siya.

“You could’ve just told me na ang attire is formal or need na long sleeves, and I wouldn’t look into it. Susunod naman ako [happy face emoji],” wika niya sa post.

Dagdag pa niya, “My tattoos make me bad for kids? Paano kung may ma-impart pala sana akong maganda sa kanila?”

Nabanggit din niya na naiintindihan niya rin ‘yung kausap niya dahil inutusan lang ito na sabihin sa kanya. 

“I’m sure hindi kasalanan ‘nung kausap ko. Sinabihan lang naman siya to ask me [happy face emoji],” sey ni Mikee.

Patuloy pa niya, “Pero tuloy lang naman tayo, guys. God is too good for us to worry about these things [folded hands emoji].”

“I’ve already made more friends and achieved more things, being myself, than I could ever have trying to be someone else [red heart emoji],” aniya pa.

As of this writing, isang araw pa lang nang ma-ipost niya ito sa kanyang FB at umaani na ito ng halos 40,000 likes at mahigit 11,000 shares.

Makikita rin sa comment section na halo-halo ang naging reaksyon ng netizens.

Narito ang ilan sa mga nabasa namin sa comment section:

“Bawal judgemental. Hindi sa tattoo nabe-base ang pagkatao ng isang individual.”

“Family day tapos may discrimination kayo? ‘Di yata magandang example para sa mga young gen yan [laughing face emoji].”

“While tattoos are a form of self-expression, some designs could be potentially sensitive or inappropriate for young audiences. I understand the reason behind the staff’s request for you to cover the tattoo.”

“Polite naman ‘di na dapat issue ‘to. Ang issue dito pinost at naghanap ng kakampi. Huwag kayong magalit. Hindi talaga lahat lalo na sa Pinas ang open sa ganito…”

Related Chika:

Nadine sinupalpal ang bashers na ‘di maka-move on: I’m still living rent free in your heads

Xian Gaza binalaan ng netizens matapos magkomento sa bagong sports car ni Jillian Ward