EXCLUSIVE: Zack Tabudlo may makaka-collab na bigating US artist, sino kaya?
PHOTO: Courtesy Sean Jimenez
MAY sorpresa ang OPM singer na si Zack Tabudlo na dapat abangan ng fans!
Ibinunyag niya kasi sa exclusive interview ng BANDERA na may natapos siyang bagong track para sa isang upcoming collaboration song.
Hindi pa niya pwede sabihin ang ibang detalye, pero nabanggit niya sa amin na isang bigatin at sikat na international singer mula sa United States ang makakasama niya.
Pag-amin pa ni Zack, kahit siya ay super excited nang ilabas ito upang mapakinggan na ng madlang pipol.
“I do have a lot in the lineup at the moment. I’m really excited for everyone to hear a specific track that I kind of just finished,” sey ni Zack.
Chika pa niya, “And it involves a really, really big artist in the US. So hopefully, a lot of good things will come out of it.”
“A lot of artists definitely, I’m a big fan of Shawn Mendez, [Justin] Bieber of course, and a lot more. I’m not gonna mention the name,” ani pa niya.
Nang tanungin namin siya kung this year din ba ito ilalabas, agad naman niyang sinabi na hindi pa niya pwede itong ibunyag.
Baka Bet Mo: Zack Tabudlo feeling ‘honored’ sa bagong collab song, first Pinoy representative ng ‘Global Coke Studio’
Sambit ng singer habang natatawa, “I don’t know, probably this year, next year. I don’t want to get in trouble.”
Samantala, sa naganap naman na press launch ni Zack noong July 8 ay nakapag-bigay siya ng kaunting clue matapos siyang tanungin ulit ng ilang press tungkol dito.
Ayon sa OPM artist, babae ang makaka-collab niyang sikat na international singer very soon.
“She’s an artist. SHE’s an artist from the US, so that’s pretty crazy,” saad ni Zack sa harap ng media.
Dagdag pa niya, “There’s gonna be an official track song. I’m just really excited for it to kind of work in. Can’t really say anything.”
View this post on Instagram
Nitong nakaraang araw lamang ay naglabas ng collab si Zack kasama ang South African rapper na si Nasty C.
Pinamagatan itong “Fallin’” na first collaboration project para sa music platform na Global Coke Studio.
Bukod diyan, si Zack rin ang pinakabagong mukha ng Coke Studio Philippines at first-ever Pinoy artist ambassador para maging kinatawan ng Global Coke Studio.
Nauna nang inamin ng singer na hindi siya makapaniwala sa kanyang latest milestone, ngunit isa raw itong karangalan upang lalong ipagmalaki ang galing ng Pinoy pagdating sa musika sa buong mundo.
“Being part of this campaign has been crazy for me. It’s a surreal moment,” sey ni Zack.
Ani pa niya, “Being part of this has been a kind of having that sense of pride to put out Filipino music more and be on the global stage.”
Related Chika:
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.