Gab Valenciano todo pasalamat sa kanyang inang si Angeli Pangilinan: ‘You are and always will be my hero, I love you!’
Angeli Pangilinan at Gab Valenciano
MARAMING na-touch at napaluha sa madamdaming mensahe ni Gab Valenciano para sa pinakamamahal niyang ina na si Angeli Pangilinan.
Dalawang araw makalipas ang selebrasyon ng Mother’s Day nitong nagdaang Linggo, May 14, nagbahagi ang musician-director ng kanyang appreciation post para sa kanyang nanay.
Abot-langit ang pasasalamat niya kay Angeli dahil sa unconditional love at 100 percent support na ibinibigay nito sa kanya, lalo na noong panahong halos lahat ay iniwan at tinalikuran na siya.
Tinawag pa niyang “number one supporter” ang kanyang ina dahil nga mula noon hanggang ngayon ay hindi pa rin siya nito binibitiwan at pinababayaan — kahit pa anong mangyari.
View this post on Instagram
Kalakip ang ilang litrato nilang mag-ina, ibinahagi ni Gab ang message niya kay Angeli sa pamamagitan ng kanyang Instagram account.
“To the person who believed in me when everyone else turned their backs on me.
“To the person who taught me how to harness your hardship and transform it into empathy, compassion and unconditional love,” ang bahagi ng kanyang caption.
Baka Bet Mo: Gab Valenciano sa mga Pinoy: Hangga’t may nangangailangan, tuloy ang laban…hanggang dulo!
Dugtong pa niya, “And to the one who managed to keep this family of six uniquely contrasting, crazily artistic individuals (who have their own universes) together hahaha My number one supporter, motivator and encourager.”
Itinuturing din niya si Angeli bilang “platinum standard” pagdating sa pagiging “strong woman.”
“Thank you for you, mom. I appreciate you and everything you stand for beyond words. You are a very huge component to my personal, emotional and mental growth.
View this post on Instagram
“Happy Mother’s Day, Mama. Thank you for being the platinum standard of what it means to be a strong woman. You are and always will be my hero, I love you!! @angelipv @angeli.valenciano,” dagdag pang mensahe ni Gab.
Sa Los Angeles, California na naninirahan ngayon si Gab at base sa Instagram post niya noong April 12, “for good” na raw ang pagtira niya sa Amerika.
“A new season, a new chapter, a new step. Many years in the making and finally, here we are.
“I am back in LA for good and ready for what’s to come. My heart is full and overflowing with excitement and gratitude!!” ang sabi niya sa caption ng litrato niya kasama ang mga magulang na sina Angeli at Gary Valenciano.
Gab Valenciano diagnosed bilang pre-diabetic; nais maging better para sa sarili
Liza hinding-hindi malilimutan ni Gab Valenciano: It was a privilege to finally get to know you…
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.