Prod team ng concert ni Gary V nag-sorry, magbibigay ng partial refund
NAGLABAS ng pahayag ang entertainment production sa likod ng concert ni Gary Valanciano na Manila Genesis hinggil sa partial refund sa naturang concert.
Matatandaaang noong December 20, ang Day 1 ng kanyang concert na agad ring natapos matapos itong isugod sa ospital dahil sa dehydration.
Marami sa mga dumalo ng concert ang nagde-demand ng refund dahil sa pangyayari.
Nitong Sabado, December 28, humingi ang Manila Genesis ng paumanhin sa mga nagpunta sa umang araw ng concert ni Gary V.
Baka Bet Mo: Kiana V rumesbak sa mga nagde-demand ng ‘refund’ sa concert ni Gary V
View this post on Instagram
“We would like to apologize to all who attended Day 1 of Gary V. Pure Energy: One More Time held on December 20 at Smart Araneta Coliseum.
“Your trust and support matter to us and we regret to hear that some of you felt disappointed, or shortchanged,” saad ng Manila Genesis.
Anila, nauunawawn nila at ginagalang ng team ng singer ang pagkadismaya ng mga tao sa pangyayari.
“If you feel you did not get the concert value you paid for and wish to request a partial refund, please reach out to us directly at [email protected] as we are currently discussing the mechanics with the TICKETNET PH management,” dagdag pa ng produksyon ng concert ni Gary V.
Mula January 2 hanggang 31, 10am to 5pm ay magsisimula silang i-process ang email inquiries ng mga nagnanais ng refund.
Matatandaang biglang isinugod sa ospital si Gary V dahil may nakain raw ito na naging dahilan ng pagsusuka ng simger bago pa magsimula ang concert, ayon sa asawang si Angeli Pangilinan.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.