Cristine Reyes at Marco Gumabao
KUMAMBIYO na ang award-winning actress na si Cristine Reyes sa naging pahayag niya noon patungkol kay Marco Gumabao.
Nag-viral kasi ang dating interview ng King of Talk na si Boy Abunda kay Cristine ilang taon na ngayon ang nakararaan kung saan sinabi nitong hindi niya papatulan si Marco at gagawing dyowa.
Ito yung “Jojowain o Totropahin” challenge na ginawa ni Tito Boy nang mag-guest sa kanyang show noon si Cristine.
Sa kanyang Instagram Story kahapon, nag-share ang aktres ng bagong litrato nila ni Marco na kuha habang sila’y nasa buhanginan sa isang beach.
Dito, makikita si Marco na kayakap nang mahigpit si Cristine mula sa likuran at hinahalikan sa ulo. Ang caption ng aktres, “Definitely not tropa anymore.”
Hindi na raw niya kino-consider ngayon na friend ang hunk actor dahil, “Home kasi.”
Baka Bet Mo: Cristine 6 years nang single, balak ipa-background check ang mga manliligaw: ‘Masaya naman ako kahit walang lalake!’
Sa caption kasi ni Marco sa ipinost niyang sweet photos nila ni Cristine ito ang nakalagay, “You are my home and my adventure all at once.”
Tinag ni Cristine ang IG account ni Marco sa ibinahagi niyang photo kaya naman ni-repost ito ng binata sa kanyang IG Story at nilagyan ng mensaheng, “Hindi na couga… ‘di ko na itutuloy (grinning-squinting face emoji).”
Sa huling panayam namin kay Marco inilarawan niya ang relasyon nila ni Cristine, “Kami siguro ni Cristine, kaya siguro nagki-click kami, kasi, outside of work, outside of the camera, we’re just two normal people.
“We enjoy going out, eating out. Going to public places, going to the mall. Hindi kami nagtatago yung nagma-mask at naka-shades sa mall.
“Kumbaga, if you will see us, then, people see us. Hindi kami nagtatago, and we’re not also… hindi naman namin binabalandra,” chika ni Marco.
Sa tanong kung masasabi ba niyang more than friends na sila ni Cristine, “Well, we started off as friends. Sa SOCO nga in ABS-CBN, nakatrabaho ko pa siya.
“So, na-form yung friendship namin and of course, what we have now is special, I can say. Ayoko munang magsabi ng mga label-label na ganyan,” sabi pa ng hunk actor.